Breudwd Rhyddiaith Gymraeg 1300-1425
English

Caergrawnt, Llsgr. Coleg y Drindod O.7.1 – tudalen 34v

Llyfr Blegywryd

34v

 yr brenhin. A chynne tan teir
 thri dieu idaỽ. Deu daỽnbỽyt a
 ly y brenhin y gaffel y gan y vilae+
 eit pob blỽydyn. Messur hyn yỽ.
 hỽch tri uyssic yn|y hyskỽydeu. Ac yn|y
hir·eis. Ac yn|y chlunyeu. A hanher hob
o gic hallt. A thri vgein torth o uara gỽe*
gỽenith. y whech o·honunt yn peilleit.
pedeir yr neuad ar dỽy yr ystauell.
or tyf gỽenith yno. Ac ony thyf. bit geirch
y bara. Ar whech yn rynyon yr neuad
ar ystauell. kyflet pob torth. Ac o elin
hyt ardỽrn. kyn teỽhet ac na phlygant
pan dalher herwyd eu hemyl. neu yn+
teu kyn teỽhet a deu vys. Ac o uragaỽt
kymeint a cherỽyneit o gỽrỽf. Ac v+
gein yscub o geirch vn rỽym. A chein+
haỽc yr gỽassanaethwyr. Velly y telir
o vilaen·tref yn|y gayaf. Ac ony chef+
fir hỽch; risken emenyn a telir drosti.
teir dyrnued o let. A their dyrnued
teỽhet heb uoel. Whech daỽnbỽyt. A
cherỽyneit o gỽrỽf o naỽ rywant ar
ỽyr. o galan gayaf hyt galan mei a telir.