Breudwd Rhyddiaith Gymraeg 1300-1425
English

Llsgr. Amwythig 11 – tudalen 84

Efengyl Ieuan

84

baỽb trỽẏdo ef ẏr gỽir oleuat oed ẏr hỽn
a oleuhaa ẏ bob dẏn o|a del ẏ|r bẏt hỽnn
ẏn|ẏ bẏt ẏd oed A|r bẏt a ỽnaethpỽyt
trỽẏdaỽ ef A|r bẏt nẏ|adnabu ef n|
eidaỽ ẏ|doeth Ac eidaỽ ẏd oed ar nẏ|s
aruolles ef pỽẏ|bynnaagen a|e har+
uolles ef a rodes ẏdunt allu ẏ vot ẏn
veibẏon ẏ duỽ ẏ|r rei a cretto ẏn|ẏ enỽ
ẏ rei nẏ anet o ỽaẏteu nac o eỽẏllus
gỽr nac o eỽẏllus knat namyn ẏ
geni o duỽ A|r geir a ỽnaethpỽyt
ẏn gnaỽt aa bressỽẏlẏa ẏnom ni
A ni a ỽelsom ẏ ogonẏant ef gogo+
nẏant megẏs ẏr hỽn a anet o|r tat
kẏflaỽn o raa gỽirioned. Yn ben+
digedic enỽ ẏr arglỽẏd ẏr aỽr honn
allan hẏt ẏn dragẏỽẏd. Amen.