Breudwd Rhyddiaith Gymraeg 1300-1425
English

Llsgr. Amwythig 11 – tudalen 101

Y Groglith

101

bobẏl Ac ual ẏd oed Jessu eissoes ẏm|bethania
ẏn tẏ simon glafỽr ẏ doeth gwreic atta
a ỻestreit o ireit gwerthuaỽr ac ual ẏd oe+
Jessu ẏn gogỽẏdaỽ ẏ dineuaỽd ẏ wreic ẏ+
r ireit am ẏ penn A sorri a oruc ẏ digyb*+
lon am hẏnnẏ a gouẏn paham ẏ kollit yr
ireit ef a eỻit  werthu yr ỻawer a|e rann+
u ẏ eghenogyon Ac ynteu Jessu a ỽẏbu h+
ẏnnẏ aatteb ẏdunt paham ẏ kerẏdỽ+
ch chwi canẏs ỻawer da a oruc  c+
anẏs ẏn wastat ẏ keffỽch chỽi yghenog+
ẏon ẏ·gyt a chỽi ac nẏ cheffỽch uiui a|r
ireit a|rodes ẏ wreic honn ar uẏ|ghorff i a+
rỽyd uẏg|cladu ẏỽ hẏnnẏ Minheu a dyỽ+
edaf ẏ chỽi ẏn wir pa le bẏnhac ẏ traet+
her ẏr euegyl hỽnn ef a|dẏwedir ar ẏ wr+
eic honn ẏ gweithret hỽnn ac ẏna yd ae+
th un o|r deudec disgẏbẏl a elwit Judas scha+
riot at tywẏssogẏon ẏr effeireit a gouyn
ẏdunt. pa beth a|rodẏnt idaỽ ef ac ẏnteu