LlGC Llsgr. Peniarth 38 – tudalen 31v
Llyfr Blegywryd
31v
a|gaffant trayan gobreu merchet bilaeneit y bre+
nhin. a|thrayan y kamlyryeu ỽynteu. a|thrayan
y hebediỽeu a|thrayan yr yt a|r bỽyt o pop marỽ ̷+
ty tayaỽc. maer a|ran pop peth. a|righyll a|deỽ ̷+
is y|r brenhin. O|r damỽeinha y|r maer na allo
kynhal ty. kymerhet ef y|tayaỽc a|deỽisso yn|y
vaeroniaeth vlỽydyn o|r kalan mei y|r llall. a
mỽynhaet laeth y|tayaỽc yr haf. a|e yt y kynh+
ayaf. a|e voch y gayaf. a|phan el y|tayaỽc y ỽrth+
aỽ; gadet idaỽ pedeir hych maỽr a baed. a|e ysc+
rybyl ereill oll. ac ỽyth erỽ gỽanhỽynar. a|phe+
deir erỽ gayafar. a|r eil vlỽydyn a|r tryded gỽ+
naet velly o tayogeu ereill. Odyna ymborthet
teir blyned ereill ar y eidaỽ e|hunan. ac odyna
gỽaredet y brenhin arnaỽ o rodi tayogeu ydaỽ
yn|y mod vry Ny cheiff maer na|chyghellaỽr
ran o|tỽnc nac o prit y tir y gan y brenhin. ỽynt
a dylyant kadỽ diffeith brenhin hyny ỽnel ef y
vod ohonaỽ. ỽynteu a|gaffant y mel a|r pysca+
ỽt a|r bỽystuileit bychein gỽyllt. O ennill y bre+
| « p 31r | p 32r » |