LlGC Llsgr. Peniarth 32 (Y Llyfr Teg) – tudalen 235
Breuddwyd Pawl
235
ẏ daẏar. ac ẏ|r geneu hỽnnỽ ẏr anuonit ẏ dẏ+
nẏon a wnathoetẏnt enwiret ẏn|ẏ byd hỽnn.
Ac o·dyno ẏ kerdassant ẏ le kyflaỽn o dẏnẏon
sodedigẏon ẏ myỽn auon o dan. Rei hẏd ẏ glinẏ+
eu ereill hyd y bogeleu. ỽylaỽ ac ucheneidaỽ a
wnaeth paỽl. a gofyn a|wnaeth ef y|r agel pỽẏ
oetynt ẏ rei a oedynt sodedigyon hyd y gliny+
eu. A dywedud a wnaeth yr agel idaỽ ef. y rei
a|wnaethon ledrad. a godineb. ac ny chymersant
eu penyd. ac nẏ chydtuunassant ac eglỽys duỽ.
A gofyn a wnaeth ef y|r agel pỽẏ y rei yssyt hyd
y bogel. y rei a|wnaethant odinep wedy kymere+
digaeth corff yr arglỽyt. ac nyd ymhoelassant eu
penyd hyd ageu. a gouyn a wnaeth ef y|r agel.
pỽy y rei a oedynt sodedigyon hyt y tauodeu.
y rei a|uuont gamdyston ag a sonyassant y|my+
ỽn eglỽys duỽ. ac ny warandaỽssant eireu duỽ.
a gouyn a|wnaeth ef y|r agel pỽy oet sodedic hyd
y haeleu. y rei oyd digasset yn eu kallonneu y·ryg+
thunt a|e kymodogyon. ac a|e kyfnesseiueid. a rei
a|wnel y pechod hỽnnỽ. o·ny chymer y benyd
amdanaỽ. ef a uyt ym|pressỽyledigaeth yn uffern
ac odyno y kerdassant y le arall. ac y gwelynt lle
aruthredic kyflaỽn o wyr a gỽraget yn ỽylaỽ
ac yn ucheneidaỽ ac yn lleuein. trugara di vab
duỽ ỽrthym ni. ac ỽylaỽ a wnaeth paỽl. a go+
| « p 234 | p 236 » |