LlGC Llsgr. Peniarth 190 – tudalen 83
Ystoria Lucidar
83
yn|da. ac ony dyscant yn|da. mỽc ynt yn
tywyỻu y tan ac yn|ỻygru drem y ỻy+
geit. ac am y rei hynny y dywedir. Y
ser ny oleuassant ac ỽrth hynny y dygỽ+
ydassant o|r nef. discipulus Beth a|dywedy di am
y rei a|dremygassant y byt megys my+
neich. ac ereiỻ a|gymerth abit creuyd.
Magister O|r cỽplaant eu haruedyt gan vuche+
dockau yn|da. ỽynt a vydant uraỽtwyr
ar ereiỻ ygyt a|duỽ. o·nyt ef a|wnant.
truanach vydant. no dynyon ereiỻ. kan+
ny chaffant na|r|byt na|duỽ. am y rei
hynny y dywedir. Y vffern yn vyỽ yd
aant. kanys gỽyc ynt. discipulus Beth am y
marchogyon a|r kedyrn. Magister Ychydic o|da.
kanys o|dreis yd ymborthant ac yd ym+
wisgant. ac y prynant y sỽydeu a|r tir
a|r adeiladeu. ac am y rei hynny y dywe+
dir. Eu dydeu a|diffygyaỽd yng|gorw+
aged. ac am hynny y mae arnadunt
bar duỽ. discipulus Pa|obeith yssyd y|r|gler. Magister
| « p 82 | p 84 » |