LlGC Llsgr. Peniarth 190 – tudalen 61
Ystoria Lucidar
61
a|dolur y dysgu udunt chwerwet y poe+
neu y maent yn dyfryssyaỽ udunt
drỽy eu kam·weithredoed. discipulus Paham o|r ̷
rei drỽc y byd byỽ rei yn hir. a rei o|r
rei da varỽ yn ehegyr. ac yng|gỽrthỽy+
neb y hynny rei o|r rei da vyỽ yn hir
a|rei o|r rei drỽc varỽ yn ehegyrs*. Magister Y rei
drỽc a|edir yn vyỽ yn hir y ovidyaỽ y
rei gỽirion ac y eu purhau oc eu pech+
odeu drỽydunt. ac o|e poeni ỽynteu yn
uỽy rac ỻaỽ. Y|rei da a|dygir. ynteu
yn ehegyr y dỽyn gỽrthỽynebed y byt
hỽnn. y ỽrthunt. ac y eu gossot yn ỻew+
enyd tragywydaỽl. Yng|gỽrthỽyneb y
hynny hoedyl hir a|rodir y rei gỽirion
y achwaneckau eu gobrỽyeu. ac y ymcho+
elut ỻawer onadunt ar|da drỽy angre+
iffteu. a|r rei drỽc a|dygir y eu poeni y
vot eryneic ar yr etholedigyon yssyd
ar gyfeilyorn oc eu dỽyn y|r iaỽn Y neb
ny chaffo gỽrthỽynebed ac ỽynt yman
| « p 60 | p 62 » |