LlGC Llsgr. Peniarth 190 – tudalen 220
Ymborth yr Enaid
220
Engylyon a vanagant y dynyon ne+
gesseu bychein a|archer udunt eu me+
negi. Ac y·gyt ac ỽynt y kyfleheir dyny+
on a|wypont ychydic o betheu dỽywoly+
on. ac a|dysgont hynny yn garedic dru ̷+
garaỽc y ereiỻ. Archengylyon. tywysso ̷+
gyon ar yr engylyon ynt. kanys y
petheu mỽyhaf a vanagant. a|r rei hyn+
ny a|gaỽssant enweu ỽrth eu gỽassana+
etheu. Megys y tri hynn. Mihangel. Ga+
briel. Raphael. Mihangel a|gyfyeithyr
vn megys duỽ. neu a gaỻu|duỽ. Hỽnnỽ
a anuonir y|r ỻe y bo gỽyrtheu. neu eres
betheu. Gabriel a|gyfyeithyr yn gedernyt
duỽ. Hỽnnỽ a anuonir y|r ỻe y manacker
dỽywaỽl gedernyt. megys yd anuonet y
venegi y veir wyry y bot yn gyflaỽn o ge+
dernyt yr yspryt glan. Raphael a|gyfyei+
thyr yn vedeginyaeth duỽ. Hwnnỽ a|an+
uonir y|r ỻe y bo reit ỽrth iechyt eneit
| « p 219 | p 221 » |