LlGC Llsgr. Peniarth 190 – tudalen 203
Ymborth yr Enaid
203
eglurder pob un o·nadunt ar|y|gilyd. ac
ỽynteu oỻ ygyt yn mỽyhau tegỽch yr
hoỻ gnaỽt. a|thegỽch yr hoỻ gnaỽt yn
gỽanegu eu|tegỽch ỽynteu. Ac odyna
yd|oed y|r anrydedus vab dỽy wefus yn
kyffroi kyflaỽnserch garyat ar baỽp a
phaỽb arnaỽ ynteu. ac ychydic ar·dyr ̷+
chafyat arnadunt yn eidunaỽ cussaneu
sercholyon. y gan y ffydlonyon greadu ̷+
ryeit. Ac yn|disgleiryaỽ o·nadunt pan
gyffroei ardyrchafyat y|sercholyon wefus ̷ ̷+
seu. megys manwrychyon a gyfodynt o
savỽrdan sychyon ysgyryon pedryffhoỻt*
ffenitwyd. a|phob ryỽ savỽrber vlas a|chw+
eith arnadunt. hyt nat oed na sugyr na
blansbỽdyr. na mel kynteit. na|gỽin cla ̷+
ret a|e kyffelyppei. A|r rei hynny a|elwit
gỽrychyon serch yr yspryt glan. Ac yn|y ỻe
y|syrthynt yng|kaỻonneu y fydlonyon.
ỻosgrach o anwylserch yr yspryt glan a
wneynt. ac odyna yn|y byrgrỽn destlus
| « p 202 | p 204 » |