Breudwd Rhyddiaith Gymraeg 1300-1425
English

LlGC Llsgr. Peniarth 190 – tudalen 177

Ymborth yr Enaid

177

malyon di·ystyr drỽy orwacrỽyd seguryt.
anniweirdeb glythineb yỽ. ardangos ar
arỽydon odieithyr tra·chwant y medỽl o
vyỽn y lythineb. An·aduỽynder yỽ. keissy  ̷+
aỽ gormod anregyon o vỽyt blyssic. neu
ormod o|diodyd gỽerthuaỽrussyon. An hy*+
naỽste yỽ. aruer o dra·gormod werthuaỽr+
ussyon wiscoed am y gnaỽdaỽl gorff. Tor+
dein yỽ. tra·gorthrymder y gallon gan or+
modyon destlusrỽyd. Chwyt yỽ. kymryt
bỽyt neu diaỽt yny orffo y atuer drachefyn.
T Raether beỻach [ gan y chwydu.
am Jrỻoned a|e geingeu. Jrỻoned
yỽ. llidiaỽc sor wenwynicuar ỽrth araỻ ew+
yỻys chwant kael deissyfyt dial am y lit.
Pedeir|keing ar|dec yssyd y irỻoned. nyt
amgen. Cas. annuvndeb. kynnen. ym+
chỽydaỽ. anodef. ymserthu. Maỽrdryged.
enwired. dryc·ewyỻys. ofrudyaeth. Cas
yỽ. blinaỽ medỽl am araỻ o hen dryc·any  ̷+
an. Annuvndeb yỽ. ymwahanu o|r rei