LlGC Llsgr. Peniarth 190 – tudalen 125
Ystoria Lucidar
125
ac o bregeth eli ac enoc a ymchoelant y
gristonogaỽl greuyd. a phaỽb haeach o+
nadunt a|odefant greulaỽn verthyrolyaeth.
discipulus Ym pa oet y daỽ y rei hynny. Magister Yn|yr oet
y kymerỽyt ỽynt o|r byt hỽnn. a|r anticrist
a|e ỻad ỽynt. ac ef a vyd medyant yr hoỻ
vyt yn eidaỽ ef teir blyned a|hanner. O+
dyna ef a dynn y bebyỻ y vynyd oliuet.
y ymlad a|r rei gỽirion. ac ef a dywedir y
byrheir y dydyeu ef yna o achaỽs yr eth+
oledigyon. discipulus A vyd byrrach y dydyeu yn
yr amser hỽnnỽ noc yr aỽr honn. Magister Kyhyt
uyd y|dydyeu yna ac yr aỽr honn. megys
y|dywedir. Ef a|westettyf y dyd mal y ỻun+
yeitheist di. namyn ef a|dywedir byrhau
y dyd. am vot yn vyrrach yr amser. kanys
teir blyned a|hanner y gỽledycha. ac ef a|dy+
wedir ac a|gredir bot yn ỻei corfforoed y
dynyon yna noc yr aỽr honn. megys y
mae ỻei yr aỽr honn no|r rei gynt. discipulus Beth
a|vyd gỽedy hynny. Magister Ef a|edewir deuge+
in nieu y benydyaỽ y|r neb a|dygỽydaỽd
| « p 124 | p 126 » |