LlGC Llsgr. Peniarth 19 – tudalen 9v
Ystoria Dared
9v
35
ugein diwarnaỽt yn vaỽrvry+
dus. ac yna pan weles agamem+
non ỻad ỻawer o vilioed beu+
nyd o|e wyr. ac na chaffei o en+
nyt gladu y wyr ual y ỻedit. an+
uon kennadeu a|wnaeth att bri+
af y adolỽyn kygreir idaỽ deir
blyned. ac Jluxes a|diomedes
a vuant gennadeu att briaf.
ac a|deuthant attaỽ. ac adoly+
gassant gygreir ual yd oed y
gorchygerch* arnadunt. me+
gys y keffynt gladu y rei mei+
rỽ. a medeginyaethu y rei bra+
thedigyon. ac at·gyweiryaỽ eu
ỻogeu. a chadarnhau eu llu. a
chyrchu bỽyỻyrneu udunt. a
hyt nos yd aeth y kennadeu
att briaf. ac y kyfaruu ac ỽy
lawer o wyr troea. ac y|govyn+
nassant udunt beth a|gerd+
ynt veỻy hyt nos parth a|r
casteỻ. ac ỽynteu a dywedass+
ant eu bot yn gennadeu att
briaf y|gan a·gamemnon. A
phan gigleu priaf dyuot y
kennadeu. a thraethu ohon+
unt eu negesseu. Galỽ a|oruc
ynteu y hoỻ dywyssogyon yn
y|gyghor. ac ef a|datkanaỽd
udunt dyuot kennadeu y gan
a·gamemnon y|adolỽyn kyg+
reir deir|blyned. ac ector a
gymerth yn drỽc arnaỽ hyt
yr adolỽyn. Ac yna Priaf a|ovyn+
36
naỽd a|oed da gan baỽp rodi yr
oet. Ac y baỽp yn|gyfun y rengis
bod gỽneuthur kygreir deir bly+
ned a gỽyr groec. Ac yna gỽyr gro+
ec a atnewydassant eu muryoed.
a phob rei o·honunt o bop parth
a uedegynyaethassant eu brathe+
digyon. ac y|gladassant eu rei
meirỽ yn enrydedus. ac yn hyn+
ny y|daruu yspeit y teir blyned
ac y doeth oet yr ymladeu. ac ec+
tor a throilus. ac eneas a|dugas+
sant eu ỻu y maes. ac agamem+
non. a menelaus ac achelarỽy
a|deuthant yn eu herbyn. ac aer+
ua vaỽr a vu y·rygthunt. Ac
yn yr ymgyfaruot hỽnnỽ ec+
tor a|ladaỽd ffrigius. ac antipus
ac aminon tywyssogyon o roec.
ac achelarwy a ladaỽd liconius. ac
eỽffravus. a ỻawer o vilioed
o bop parth a|dygỽydassant.
ac yn greulaỽn yd ymladas+
sant dec niwarnaỽt ar|huge+
int ygyt. A gỽedy gỽelet o bri+
af ry lad ỻawer o|e|lu. kennadeu
a anuones att agememnon y
adolỽyn kygreir chwe|mis idaỽ.
ac o gytsynnedigaeth y gyghor+
wyr. agamemnon a ganhadaỽd
y gygreir. ac amser yr ymlad+
eu a|doethant. a deudeg niwar+
naỽt ar vntu yd|ymladassant.
a ỻawer o|r tywyssogyon dewraf
o bop tu a|las. a ỻawer a vrathỽyt
| « p 9r | p 10r » |