LlGC Llsgr. Peniarth 19 – tudalen 76r
Brut y Brenhinoedd
76r
309
ac ỽynt hyt yn germania. ac
y baratoi diruaỽr lyghes ỽrth
dyuot y distryỽ hoỻ ynys bryde+
in. a|hynny a daruu. kanys
ỽynt a ymchoelassant gyt a
diruaỽr lyghes ac aneiryf o
niuer ganthunt. ac yn yr al+
ban y disgynnassant. a|r di+
nassoed a|r kiwdaỽdwyr. o dan
a haearn a|dechreuassant eu
molestu a|e hanreithaỽ. Ac
ỽrth hynny hoỻ lu ynys bry+
dein a orchymynnỽyt y leu
uab kynuarch. ỽrth geissyaỽ
gỽrthlad y gelynyon. a|r ỻeu
hỽnnỽ Jarỻ kaer lyr oed. y
marchaỽc gỽychraf a|deỽraf
a|chlotuorussaf. a doethaf oed
ac aeduet o|oet. ac o achaỽs
y molyanneu a|r deuodeu da
hynny yn|y glotuori. y brenhin
a rodassei anna y verch idaỽ.
a ỻywodraeth y deyrnas hyt
tra yttoed y brenhin yn gorỽ+
ed yn|y glefyt. A|r gỽr hỽnnỽ
gỽedy mynet o·honaỽ. a dech+
reu ymlad a|r gelynyon yn
vynych y kilyeu racdunt. me+
gys y bei reit idaỽ kyrchu y
dinassoed kadarn racdunt.
Gỽeitheu ereiỻ y bydei vudu+
golyaeth. ac y gỽasgarei ỽynt.
y|r coedyd ac y|r mynyded. ac y|r
kerric. Gỽeitheu ereiỻ y kym+
heỻei ỽynt y eu ỻogeu yn
310
waradỽydus. Ac veỻy hir pe+
truster ymlad a|vu y·rygthunt.
megys na aỻei neb wybot
padiỽ y delei y vudugolyaeth.
kanys syberỽyt y brytany+
eit a|oed yn eu hargywedu.
ỽrth nat oed deilỽng gan+
thunt bot ỽrth gyghor ˄y gỽr oed yn
y ỻywyaỽ. ac ỽrth hynny
gỽannach oedynt. ac ny eỻ+
ynt gaffel budugolyaeth oc
eu gelynyon. A gỽedy daruot
anreithaỽ yr ynys haeach
yn hoỻaỽl. pan venegit
hynny y|r brenhin. ỻitiaỽ
a|oruc yn vỽy noc y|dylyei ac
y deissyfei y glefyt a|e wander
ac erchi dyvynnu hoỻ wyrda
y deyrnas hyt attaỽ ef ỽrth
eu hagreithaỽ am eu syber+
wyt. a phan weles ef baỽp
rac y gyndrycholder. ymgei+
naỽ ac ymgerydu ygyt a
chospedigaetheu a|dywaỽt
ỽrthunt. a thebygu a|wna+
eth yd aei e|hun yn eu bla+
en yn|erbyn y elynyon. Ac
ỽrth hynny gorchymun
a|oruc gỽneuthur elor idaỽ
yn yr honn y geỻit y dỽyn
yndi. kanys y glefyt a|e wan+
der a ludyei hyt nat oed haỽd
y dỽyn ynte˄v yn ansaỽd a+
raỻ. Ac y·gyt a hynny gor+
chymun a|oruc y baỽp vot
| « p 75v | p 76v » |