LlGC Llsgr. Peniarth 19 – tudalen 46v
Brut y Brenhinoedd
46v
187
ynys brydein hyt yr amser
y buant gracian a valaỽn
yn amherodron yn ruuein.
A C ygkylch diwed y oes
ym·gyghor a|wnaeth eu+
daf a|e wyrda pa wed yd a+
dawei y gyuoeth gỽedy ef.
kan·nyt oed etiued idaỽ nam+
yn vn verch. a rei a gygho+
rei idaỽ rodi y verch y vn o
dylyedogyon ruuein a|e de+
yrnas genthi. mal y geỻit ˄kynal yr
ynys yn gadarn ac yn|dag+
nefedus rac ỻaỽ. Ac ereiỻ
a gyghorei idaỽ rodi y verch
y vrenhin o wlat araỻ. a di+
gaỽn o|eur ac aryant gen+
thi. a rodi y gyuoeth oỻ gỽe+
dy ynteu y gynan meirada+
ỽc nei y eudaf. ac eissyoes y
kyghores karadaỽc Jarỻ ker+
nyỽ y|r brenhin gỽahaỽd at+
taỽ maxen wledic a rodi idaỽ
y verch a|r kyuoeth gỽedy ef
genthi. ac o hynny y teby+
gei ef kaffel tragywydaỽl
hedỽch. kanys mab oed vax+
en y lywelyn ewythyr elen
luydyaỽc. Megys y dywetpỽyt
uchot y vynet o|r ynys honn
y·gyt a chustennin mab elen.
a mam vaxen a hanoed o|dy+
lyedogyon ruuein. ac yno y
ganydoed ynteu. Ac ar vyrder
o vrenhinaỽl genedyl o vam
188
a that yd hanoed. A chynhyruu
y ỻys yn uaỽr a|wnaeth kynan
meiraỽc. nei y brenhin o achaỽs
rodi o|r iarll y kyghor hỽnnỽ y|r
brenhin y vryt ef a|e vedỽl oed
ar y vrenhinyaeth. ac irỻaỽn yd
edewis ef y ỻys. Ac yna sef a|w+
naeth karadaỽc Jarỻ kernyỽ
anuon meuric y vab hyt yn
ruuein y venegi hynny y vaxen.
Sef y kyfryỽ wr oed veuric. gỽas
maỽr tec telediỽ clotuaỽr o|dew+
red a haelder. a phy beth bynnac
a dywettei ar y dauaỽt ef a|e ka+
darnhaei o|e weithret a|e arueu.
A gỽedy dyuot Meuric rac bronn
maxen. kymeredic vu ganthaỽ
ef veuric ymlaen paỽb yn en+
rydedus. ac yn|yr amser hỽnnỽ
teruysc a|ryuel maỽr a|oed y+
rỽg meuric Maxen a deu amheraỽdyr
ereiỻ odyno Gracian. a valaỽn y
vrodyr e|hun. kanys y rei hynny
a|ry|daroed udunt gỽrthlad
maxen o|r dryded rann o|r amhe+
rodraeth. a hynny oed orthrỽm
ganthaỽ ynteu. a gỽedy gỽelet
o veuric vaxen yn gywarsagedic
y gan yr amherodron. Sef y|dyỽ+
aỽt meuric ỽrthaỽ yr ymadraỽd
hỽnn. Maxen heb ef pa achaỽs
y diodefy di dy dremygu ual
hynn. a ford y titheu y ymwa+
ret. Dabre y ynys brydein a
chymer goron y deyrnas a|e bren+
| « p 46r | p 47r » |