LlGC Llsgr. Peniarth 19 – tudalen 34v
Brut y Brenhinoedd
34v
135
yn hely yn ỻỽyn y kaladyr. na+
chaf arthal y vraỽt y gỽr a|de+
holassit o|e vrenhinyaeth. gỽe+
dy y ry vot yn crỽydraỽ gỽla+
doed ereiỻ y geissyaỽ porth
y oresgyn y gyuoeth drachef+
yn. ac ny chafas dim. Sef a|w+
naeth elidyr truanhau ỽrthaỽ.
a|e dỽyn ganthaỽ hyt yg|kaer
alclut. a|e dodi yn|y ystaueỻ e
hun yn amgeledus. a chym+
ryt clefyt arnaỽ a|oruc elidyr.
ac anuon att yr hoỻ wyrda
y|erchi dyuot y edrych. A gỽe+
dy eu dyuot yn ỻỽyr hyt y di+
nas. Erchi a|wnaeth y baỽp
onadunt gỽedy y gilyd ymwe+
let ac ef. ac ual y|delei bop vn
o|r gwyr. gwyr a|oed ganthaỽ
ynteu y daly ỽynt ac y ỻad o+
ny wrheynt y arthal y vraỽt.
Ac rac ovyn eu|ỻad y gỽrhays+
sant y arthal. A gỽedy gỽneuthur
hynny y doethant hyt yg|kaer
efraỽc. ac y kymerth elidyr
y goron y am y benn e|hun
ac y dodes am benn y vraỽt.
ac ỽrth hynny y|gelwit ynteu
elidyr war. ~ ~ ~ ~ ~ ~
A C odyna y gỽledychaỽd
arthal deg mlyned. gan
ymchoelut y chwedyl yn|y wr+
thỽyneb. vrdaỽ y dylyedogyon
a gostỽg y rei andylyedaỽc
a|oruc a gỽneuthur Jaỽnder
136
y baỽp. A phan vu uarỽ yg|ka+
er lyr y cladỽyt.
A C yna elidyr eilweith a
gymerth y vrenhinyaeth.
ac ym·penn rynnaỽd y kyuodes
paredur ac owein y deu vroder
Jeuaf yn|y erbyn. A gỽedy ym+
lad ac ef daly elidyr a|e dodi
yn ỻundein yg|karchar. a ran+
nu yr ynys y·rygthunt. Sef
mal y rannyssant ỻoegyr. a chym+
ry a chernyỽ y owein. a|r gogled
y baredur. ac ym·penn y seith
mlyned y bu varỽ owein ac y
dygỽydaỽd y kyuoeth yn ỻaỽ
baredur. Ac ympenn yspeit gỽe+
dy ỻywyaỽ y deyrnas yn hygar
dagnefedus. a phaỽb yn vodlaỽn
idaỽ y bu varỽ paredur. Ac yna
y doeth elidyr y|dryded weith yn
vrenhin. A phan aeth o|r byt hỽn
yd edewis kyfreitheu da yn|y
ol. A gỽedy marỽ elidyr y doeth
Rys uab gorbonyaỽn yn vren+
hin. a hỽnnỽ a|adeilyaỽd o gỽ+
byl yn ol gỽeithredoed elidyr.
A gỽedy marỽ rys y doeth
Morgan uab arthal. a hỽnnỽ o
dysc y rieni a|wnaeth Jawnder
a gỽirioned. A gỽedy marỽ mor+
gan y doeth Einyaỽn y vraỽt
ynteu yn vrenhin. A pheỻau
a|wnaeth hỽnnỽ y ỽrth weith+
redoed y vraỽt. ac am y greu+
londer y bỽrywyt yn|y chwechet
| « p 34r | p 35r » |