LlGC Llsgr. Peniarth 19 – tudalen 25v
Brut y Brenhinoedd
25v
99
yr ystlys assỽ. a ỻidyaỽ a|wna+
eth corineus. a drychafel y kaỽr
ar y ysgwyd. a chyrchu penn
karrec uchel uch|penn y mor
a bỽrỽ y syrth hỽnnỽ y ar y
ysgỽyd drỽy ysgithred kerric
yny yttoed yn drylleu yny
goches y tonneu gan y waet.
Ac yr hynny hyt hediỽ y gelw+
ir y ỻe hỽnnỽ ỻam y kaỽr.
A C yna gỽedy rannu o
vrutus y deyrnas y·rỽg
y wyr ynteu. yd edrychaỽd ỻe
y bei deilỽg ganthaỽ adeilyat
dinas yndaỽ. ac y doeth hyt
ar auon temys. ac yno y kafas
ỻe a|vu adas ganthaỽ ỽrth a+
deilyat. ac yno yd adeilyaỽd di+
nas. ac y gelwis ef troea new+
yd. a|r enỽ hỽnnỽ a|barhaaỽd
arnaỽ hyt yn oes lud vab be ̷+
li. braỽt y gasswaỻaỽn vab
beli. y|gỽr a ymladaỽd ac ul+
cassar amheraỽdyr ruuein.
A gỽedy kaffel o lud y vren+
hinyaeth y kadarnhaaỽd yn+
teu y dinas o geyryd a thyreu
anrydedus. ac y gelwis o|e enỽ
e|hun kaer lud. Ac o|r achaỽs
hỽnnỽ y bu deruysc y·rygthaỽ
a nynnyaỽ y vraỽt. am geis+
syaỽ diffodi enỽ tro ac eu gỽ+
lat. a chanys traethaỽd gil+
das o hynny yn ỻwyr y pei+
deis inneu rac haccrau o|m
100
tlaỽt ethrylithyr i ymadraỽd
gỽr mor huaỽdyl kyfrỽys a
A Gỽedy daruot [ hỽnnỽ.
y vrutus adeilyat y|di+
nas megys y dywetpỽyt uch+
ot. gossot kywydaỽr* a|oruc yn+
daỽ. a rodi kyfreitheu a brein+
eu udunt drỽy y rei y geỻynt
buchedockau drỽy hedỽch a
thagnefed. Ac yn|yr amser hỽnnỽ
yd oed eli offeiryat ymlaen po+
byl yr israel yg|gỽlat Judea.
ac y doeth arch ystauen yg|keith+
iwet gan y pharisewydyon. ac
yd oedynt yn gỽledychu tro. mei+
byon ector. gỽedy ry|dehol mei+
byon antenor o·honei ymeith.
Ac yn|yr eidal yd oed siluius ˄ỽyr ene+
as yn drydyd brenhin gỽedy ene+
as ewythyr y vrutus vraỽt y dat.
Ac yna gỽedy kyweiryaỽ pob
peth ar hyt yr ynys yn dagnefe+
dus. ac adeilyat y gaer a|r dinas.
kysgu a|wnaeth brutus gyt a|e
wreic. a thri meib a|anet idaỽ. sef
oed eu henweu. locrinus. kamber.
albanactus. Ac ym·penn y bedỽ+
ared vlỽydyn ar|hugeint gỽedy
y dyuodedigaeth y|r ynys y bu
uarỽ brutus. ac y cladỽyt yn|y
dinas a|adeilassei e|hun yn anry+
dedus. Ac yna y rannỽyt y deyr+
nas o|e veibyon ynteu. a locrinus
kanys hynaf oed a gymerth y
rann berued o|r ynys. yr honn a
| « p 25r | p 26r » |