Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 124r

Brut y Tywysogion

124r

541

doethaf o|r|doethyon. Gỽedy arw+
ein y vuched yn|greuydus heb
pechaỽt marỽaỽl hyt anghev
yn|y trydyd dyd o galan ebriỻ.
Yn|y vlỽydyn honno heuyt y
doeth meibyon grufud uab
kynan y dryded weith y gere+
digyaỽn. ac y ỻosgassant
gasteỻ ystrat meuric a chas+
teỻ ỻann ystyphan. a chasteỻ
kaer vyrdin. Y vlỽyd rac·wyneb
y doeth yr amherodres y loegyr
yr darostỽg brenhinyaeth loe+
gyr y henri y mab hi. kanys
merch oed hi y henri gyntaf
vab gỽilym bastart. Ac yna
y bu diffyc ar yr heul y deudec+
uet dyd o galan ebriỻ. Y vlỽy+
dyn rac·wyneb y ỻas kynwric
ac owein y gan deulu madaỽc
uab maredud. Y vlỽydyn gỽe+
dy hynny y bu uarỽ madaỽc
uab Jtnerth. ac y ỻas maredud
uab howel y gan veibyon bled+
yn uab kynuyn gỽynn. Y vlỽy+
dyn rac ỻaỽ y ỻas howel uab
maredud uab ryderch o|r kantref
bychan. drỽy dychymyc rys uab
howel. ac ef e|hun a|e|ỻadaỽd. 
D Eugeint mlyned a chant
a mil oed oet crist. pan las
howel uab maredud uab bledyn
y|gan nebun heb wybot pỽy
a|e|ỻadaỽd. Ac yna y ỻas howel
a|e vraỽt. Meibyon madaỽc uab

542

Jtnerth. Y vlỽydyn gỽedy hynny
y ỻas anaraỽt uab gruffud.
gobeith a|chedernyt a gogony+
ant y deheuwyr y gan deulu
kadwalaỽdyr y gỽr yd oedynt
yn ymdiret idaỽ. A gỽedy cly+
bot o owein y vraỽt ynteu hyn+
ny drỽc vu ganthaỽ. kanys
amot a|wnathoed rodi y verch
y anaraỽt. a mynnv kadwalaỽdyr
y vraỽt a|wnaeth. Ac yna yd ach+
ubaỽd howel uab owein rann
kadwalaỽdyr o geinyaỽn. ac
y ỻosges casteỻ kadwalaỽdyr
a|oed yn aber ystỽyth. Ac yna
y ỻas milo Jarỻ henford a saeth
neb·vn varchaỽc a|oed yn bỽrỽ
karỽ ỽrth hely y·gyt ac ef. Y
vlỽydyn rac ỻaỽ pan weles ka+
dwalaỽdyr vot owein y vraỽt
yn|y wrthlad o|e gyuoeth. kyn+
nuỻaỽ ỻyghes a|oruc o Jwerd+
on. A dyuot y aber menei y|r
tir. ac yn|dywyssogyon gyt ac
ef yd oed otter. a mab turkyỻ.
a mab cherỽlff. Yg|kyfrỽg hyn+
ny y kyttunaỽd owein a chat+
walaỽdyr megys y gỽedei y vro+
dyr. A thrỽy gyghor eu gỽyrda
y kymodassant. A|phan|glywyt
hynny y|delis y germanwyr gat+
walaỽdyr. ac ynteu a amodes ud+
unt dỽy vil o geith. ac ueỻy yd
ymrydhaaỽd y|ỽrthunt. A phan
gigleu owein hynny. a|bot y vraỽt