LlGC Llsgr. Peniarth 19 – tudalen 115r
Brut y Tywysogion
115r
505
a|oruc a ỻywarch uab trahae+
arn. ac ymaruoỻ ygyt a|wnae+
thant yn dirgeledic. ac eissyo+
es y|r teruyn hỽnnỽ y doethant.
Y vlỽydyn rac·wyneb y parato+
es madaỽc vrat Jorwerth. a che+
issyaỽ amser a chyfle a|oruc y
gyflenwi y ewyỻys. A phan
ymchoelaỽd Jorwerth y|gaer
einyaỽn. Y gyrchu a|oruc ma+
daỽc a chedymdeithyon ỻyw ̷+
arch yn borth idaỽ. a|gỽneu+
thur kyrch nos am benn Jor+
werth. A phan weles kedym+
deithyon Jorwerth hynny.
kyrchu aỻan a|orugant trỽy
y tan. ac ynteu pan weles y|ty
yn|dygỽydaỽ. keissyaỽ kyrch+
u aỻan a|oruc. a|e elynyon
a|e kymerth ar vlaen y gỽa+
ewyr. ac yn atlosgedic y lad.
A phan gigleu henri vrenhin
ry lad Jorwerth. rodi powys
a|oruc y gadỽgaỽn uab bled+
yn. a hedychu ac owein y vab.
ac erchi y gadỽgaỽn anuon
yn|y ol hyt yn Jwerdon. A|gỽe+
dy gỽybot o vadaỽc a|r rei a
ladyssynt Jorwerth gyt ac
ef. ry wneuthur agkyfreith
o·honunt yn erbyn y bren+
hin ỻechu y myỽn coedyd
506
a|orugant. Ac aruaethu gỽ+
neuthur brat kadỽgaỽn. a
chadỽgaỽn heb vynnu argy+
wedu y neb. Megys yd oed de+
uaỽt ganthaỽ. ef a|doeth hyt
yn traỻỽg ỻywelyn ar|uedyr
trigyaỽ yno a phressỽylaỽ. ỻe
yd oed hyrrỽyd ac agos y
uadaỽc y gyrchu. ac yna an+
uon yspiwyr a|oruc madaỽc
y wybot pa le y bei gadỽgaỽn.
a|r rei hynny a|dywedassant
bot y neb yd|oedynt yn|y geis+
syaỽ ym·peỻ. yn|agos. ac yn+
teu a|e wyr yn|y ỻe a|gyrcha+
ỽd kadỽgaỽn. ac ynteu heb
dybyaỽ dim drỽc a ymwna+
eth yn ỻesc heb vynnu ffo.
a|heb aỻel ymlad. gỽedy ffo
y wyr oỻ a|e gael ynteu yn
unic a|e|lad. A gỽedy ỻad ca+
dỽgaỽn. anuon kenadeu a|oruc
madaỽc att rickart esgob
ỻundein y gỽr a|oed yn kyn+
nal ỻe y brenhin yn amwyth+
ic. y erchi idaỽ ef y tir y
gỽnathoedit y kyflafaneu
hynny amdanaỽ. A|gỽedy
racvedylyaỽ o|r escob yn gyn+
nil y achỽysson ef heb rodi
messur ar hynny y oedi a|oruc
ac nyt yr y|garyat ef. namyn
| « p 114v | p 115v » |