LlGC Llsgr. Peniarth 19 – tudalen 108v
Brut y Tywysogion
108v
479
a hynny a|gafas yn|haỽd. A|r
kenadeu a|doethant y eu gỽlat
yn|hyfryt. a murtart a anuo+
nes y verch a ỻawer o logeu
aruaỽc ygyt a|hi yn nerth i+
daỽ. A gỽedy ymdrychafel o|r
Jeirỻ y myỽn balchder o acha+
ỽs y petheu hynny. ny chyme+
rassant dim hedỽch y|gan y
brenhin. Ac yna y kynuỻaỽd
henri vrenhin ỻu bop ychydic.
ac yn|gyntaf y kylchynaỽd
casteỻ arỽndel drỽy ymlad ac ef.
ac odyna y kymerth kasteỻ blif.
a hyt yg|casteỻ bryg. ac ympeỻ
y ỽrthaỽ y pebyỻaỽd. a chymryt
kyghor a|oruc. pa uod y daros+
tygei ef y Jeirỻ neu y ỻadei.
neu y gỽrthladei o|r|hoỻ deyrnas.
ac o|hynny pennaf kyghor a
gafas. anuon kennadeu att
y brytanyeit. ac yn wahanreda*+
daỽl att Jorwerth vab bledyn.
a|e wahaỽd a|e alỽ geyr y vronn
ac adaỽ mỽy idaỽ noc a|gaffei
y|gan y Jeirỻ. a|r kyfran a ber+
thynei idaỽ y gael o dir y bry+
tanyeit. Hynny a rodes y bren+
hin yn ryd y Jorwerth uab ble+
dyn tra vei vyỽ y brenhin heb
dỽng a|heb dal. Sef oed hynny
powys a|cheredigyaỽn. a|hanner
480
dyuet. Kanys yr hanner araỻ
a rodassit y vab baldwin a gỽ+
hyr a chedweli. A|gỽedy mynet
Jorwerth uab bledyn y gasteỻ y
brenhin. anuon a|oruc y anrei+
thyaỽ kyuoeth Robert y arglỽyd.
a|r anuonhedic lu hỽnnỽ gan Jor+
werth gan gyflenwi gorchymyn
Jorwerth a|anreithyassant gy+
uoeth robert y arglỽyd drỽy
gribdeilaỽ pop peth ganthunt.
a diffeithaỽ y wlat. a|chynuỻaỽ
diruaỽr anreith ganthunt. ka+
nys y jarỻ kyn·no hynny a orch+
ymynassei rodi cret y|r brytany+
eit heb debygu kaffel gỽrthỽy+
neb y ganthunt. ac anuon y
hoỻ oludoed a|e hauodyd a|e an+
iueileit y blith y brytanyeit.
heb goffau y sarhaedeu a|gaỽs+
sei y brytanyeit gynt y gan
roser y|dat ef. a hu braỽt y dat.
a hynny a|oed gudyedic gan y
brytanyeit yn vynyr. Kadỽga+
ỽn uab bledyn. a maredud y vra+
ỽt a|oedynt etto ygyt a|r Jarỻ
heb wybot dim o hynny. A|gỽe+
dy clybot o|r Jarỻ hynny anobe+
ithaỽ a|oruc. a thebygu nat oed
dim gaỻu ganthaỽ o achaỽs
mynet Jorwerth y ỽrthaỽ. kanys
pennaf oed hỽnnỽ o|r brytanyeit.
| « p 108r | p 109r » |