LlGC Llsgr. Peniarth 19 – tudalen 101r
Brut y Tywysogion
101r
449
gwad. a deu dant y bop vn oho+
nunt. a|r rei hynny a vỽyttaa ̷+
ỽd yr hoỻ ymborth. a thrỽy
vn·pryt a|gỽedi y gỽrthladỽyt
ỽynt. Ac yna y bu varỽ elstan
vrenhin. ac alvryt vrenhin Jw+
ys. Naỽ cant mlyned oed oet
crist pan doeth Jgmỽnd y ynys
von. ac y kynhalyaỽd maes ros
meilon. Ac yna y ỻas mab
meruyn y gan y genedyl. ac
y|bu uarỽ ỻywarch uab hein+
uth. ac y|ỻas penn ryderch
uab heinuth duỽ gỽyl baỽl.
ac y|bu weith dinneirt yn|yr
hỽnn y ỻas maelaỽc cam uab
paredur. ac yna y dilewyt my+
nyỽ. ac y bu uarỽ gorchỽyl es+
gob. ac y bu uarỽ coruaỽc ~
brenhin. ac esgob hoỻ Jwerdon
gỽr maỽr y grefyd a|e gardaỽt.
Mab y gulenan a las o|e vod y
myỽn brỽydyr. ac y bu uarỽ
keruaỻt uab muregan brenhin
langysy o geugant diwed. ac y
bu varỽ asser archescob ynys
brydein. a chadeỻ uab Rodri.
Deg mlyned a naỽ cant oed
oet crist. pan|doeth other y|ynys
prydein. ac y bu varỽ anaraỽt
uab Rodri brenhin y brytanyeit.
ac y diffeithỽyt Jwerdon a mon
450
y gan bobyl dulyn. Ac y bu
uarỽ edylfflet vrenhines.
ac y ỻas clydaỽc uab kadeỻ y
gan veuric y vraỽt. ac y bu
uarỽ nercu escob. ac y bu we+
ith y dinas newyd. Ugein
mlyned a naỽ cant oed oet crist
pan aeth howel da urenhin
vab kadeỻ y ruuein. ac y bu
varỽ elen. Deng mlyned ar
hugeint a naỽ cant oed oet
crist. pan las gruffud uab ow+
ein y|gan wyr keredigyaỽn.
ac y bu ryuel brun. ac y bu
uarỽ hennyrth uab clydaỽc.
a meuric y vraỽt. ac y bu
uarỽ edylstan brenhin y sae+
son. Deugein mlyned a naỽ
cant oed oet crist. pan vu ua+
rỽ abloyc vrenhin. a chadeỻ
uab archuael a wenwynỽyt.
ac Jdwal uab rodri. ac elised
y vraỽt a las y gan y saesson.
ac y bu varỽ lỽmbert escob
mynyỽ. ac vssa uab ỻaỽr. a
morcheis escob bangor. a
chyngen uab elised a|wenỽy+
nỽyt. ac eneurys escob myn+
yỽ a vu uarỽ. Ystrat clut a
diffeithỽyt y gan y saesson.
A howel da vab kadeỻ vrenhin.
penn a molyant yr hoỻ vrytany+
eit
| « p 100v | p 101v » |