LlGC Llsgr. Peniarth 18 – tudalen 39r
Brut y Tywysogion
39r
eu ac eto nyt oed gymỽynassgar y|gỽynt vdunt
Ac o achos hynny ymhoelut a|ỽnaeth dracheuen
yr tir. Ac ychydic niuer ygyt ac ef. Ar nos gyn+
taf ỽedy hynny yd ysgynnaỽd y|logeu gann hỽ+
ylaỽ ohonaỽ e|hun ac o|baỽp o|e ỽyr. A|thrannoeth
duỽ sul oed yr unvettyd ar|bymthec o galann
racuyr. trỽy hirỽyd aỽel ỽynt y|dyblygaỽd y
logeu y|tir iỽerdon. Ac yno y|trigyaỽd ef y|gayaf
hỽnnỽ hep ỽneuthur argyỽed y|ỽyr y iwerdon.
Y|ulỽydyn racỽynep y|bu diruaỽr uarỽolyaeth
ar|y llu a|oed ygyt ar brenhin yn iỽerdon o achos
neỽyder y|diarueredigyon uỽydeu. Ac o achaỽs
kyuygdỽr o|neỽyn am na allei y|llogeu a|neỽit+
dyeu yndunt uorỽydaỽ attunt y gayaf trỽy
dymhestaỽl gynndared mor iỽerdon. Yn|y ulỽy+
dyn honno y|bu uarỽ katỽaladyr ap grufud ap ky+
nan vis maỽrth. Ac yn|y ulỽydyn honno yd
ymhoelaỽd brenhin lloegyr o Jỽerdon. gann a+
daỽ yno uarỽneit a|marchogyon vdolyonn*
drostaỽ o achos y kenadeu a dathoed attaỽ y|gann
y|pab a loỽys urenhin ffreinc. a dyỽ gỽener y cro+
glith y deuth hyt ym pennuro. Ac yno y|trigyaỽd
y|pasc hỽnnỽ. A dyỽ llun pasc yd ym+
didanaỽd a|rys ynn talacharnn ar|y|fford. Ac o+
dyno yd aeth y|loegyr. A gỽedy mynet y|brenhin
o gaer dyf hyt y castell neỽyd ar|ỽysc. anuonn
| « p 38v | p 39v » |