Breudwd Rhyddiaith Gymraeg 1300-1425
English

LlGC Llsgr. Peniarth 11 – tudalen 1v

Ystoriau Saint Greal

1v

ỽrthaỽ. a|e arwein y ystaueỻ aduwyndec a|orugant o|e|diarchenu. A
phan|daroed udunt tynnu y arueu y amdanaỽ. nachaf yn|dyuot
y myỽn attaỽ y deu gefynderỽ. nyt amgen no bwrt a|lionel. Ac|y+
na mynet dỽylaỽ mynỽgyl a|wnaethyant. A|govyn a|oruc bwrt
y laỽnslot. pa negesseu a|e|dugassei evo y|r|ỻe hỽnnỽ. ni a debygas  ̷+
sem dy vot yng|kamalot. Ac ynteu a|uanagaỽd udunt megys
y|dathoed ef yno. Ac ual yd|oedynt yn ymdidan ueỻy. nachaf
yn|dyuot attunt teir manaches. a gỽas ieuanc tec y·gyt ac ỽynt.
a|r|bennaf onadunt yn|y arwein herwyd y|laỽ dan wylaỽ. A
phan|doeth hi att att laỽnslot. y dywaỽt. Arglỽyd heb hi yd|wyf|i
yn|dỽyn attat ti yn mab maeth ni. ac yn adolỽyn itt y wneuthur
yn varchaỽc urdaỽl. kanys debygem ni gỽeỻ noc ef ny aỻei kym+
ryt yr urdas hỽnnỽ. a lawnslot a|welas y mab yn gyflaỽn o bop
daeoni. ac yn|aeduet herwyd meint ac aelyodeu* megys y tebygit
y vot val na|welsit eiryoet y gyffelyb. Ac o|achas* y* |uvyddaỽt a
welas yndaỽ y|bu hoffach a haỽs ganthaỽ y vrdaỽ. A|dywedut
ỽrth y manachesseu a|wnaeth y cỽplaei ef yn ỻawen yr hynn
yd|oedynt ỽy yn|y geissyaỽ ganthaỽ. Y nos honno y trigyaỽd ef
yno. ac yd erchis y|r mab vynet y wylyat y|r eglwys. a|thrannoeth
ar aỽr brim. ef a|wisgaỽd laỽnslot am y|droet deheu idaỽ yspar  ̷+
dun oreureit. a bwrt a|rodes kussan idaỽ. ac a|erchis y|duỽ y w+
neuthur yn|wrda. kanys ar|degỽch ny pheỻeist o|dim. A|gỽedy
daruot gỽneuthur pob peth o|hynny. ef a|ovynnaỽd laỽnslot
y|r mab. a|devei ygyt ac ef y|lys arthur. Nac af syr heb ef ygyt
a|thydi. yr abades yna a|dywaỽt ỽrth laỽnslot yd anvonynt ỽy
y|mab yno pan|welynt y vot yn amser. Yna laỽnslot a gychỽ+