LlGC Llsgr. 3035 (Mostyn 116) – tudalen 180r
Brut y Tywysogion
180r
freinc ymchoelut y loegẏr a dywedut y|mynei vynet y dares+
tỽg Jwerdon. ac ỽrth hẏnẏ ym·gynuỻaỽ a oruc attaỽ hoỻ dy+
wysogyon ỻoegẏr a|chymrẏ. ac yna y deuth attaỽ yr ar+
glỽyd rẏs o|r ỻe d |oed yn ỻỽyn danet am·gylch yr ỽyl y ga+
net yr arglỽydes veir ac ymgyfeiỻaỽ a|wnaeth a|r brenhin
drỽy adaỽ jdaỽ drychan meirch a|phedeir mil o ychen a phet+
war|gỽystyl ar|hugein. a|gỽedy hẏnẏ y denessaaỽd y brenhin
y deheubarth. ac yn yr hynt ar auon ỽysc y|duc gantaỽ.
Joruerth ap ywein ap cradaỽc ap gruffud ac o achaỽs hẏnẏ
y distryỽaỽd Joruerth a|e deu vab ywein a howel a anys+
sit idaỽ o agharat verch vchdrut esgob ỻandaf. a morgan
vab seissyỻ vab dyfynwal o agharat verch ywein chỽaer Joruerth
ap ywein gyt a|ỻawer o|rei ereiỻ dref gaer ỻion ac y|ỻosget
hyt y|casteỻ ac y|diffeithaỽd y|wlat hayach o gỽbyl. ac yna
y deuth y brenhin a diruaỽr lu gantaỽ hyt y|mhenuro yr
vnuet dyd ar dec o galan hydref. ac y rodes y|r arglỽyd rys
geredigyaỽn ac ystrat tywi ac ystlỽyf ac euelfre. ac yn yr haf
hỽnỽ yd adeilassei yr arglỽyd rys gasteỻ aber teiui o vein
a|morter yr hỽn a distryỽassei kyn no hẏnẏ pan y duc y ar
jarỻ clar. ac y|delis robert ap ystefẏn o nest verch rys ap
teỽdỽr a|r nest hono a oed modrup y|rys. a robert yn gefyn+
derỽ idaỽ. a brodẏr robert oed dauid esgob mynyỽ a gỽilim
bastart meibon oed y|rei hẏnẏ y erald ystiwart. ac yna yd aeth
rys o gasteỻ aber teifi hyt yg|gasteỻ penuro y ymdidan a|r|bren+
hin y deudecuet|dyd o galan hydref a duỽ sadỽrn oed y dyd hỽnỽ
yd erchis rys gynuỻaỽ y|meirych oỻ a adaỽssei y|r brenhin
y aber teifi val y beynt baraỽt ỽrth eu hanuon y|r brenhin
a|thranoeth duỽ sul yd ymchoeles rys. ac ethol a|wnaeth
| « p 179v | p 180v » |