LlGC Llsgr. 3035 (Mostyn 116) – tudalen 150v
Brut y Tywysogion
150v
drachefyn y gan y|brytanyeit yn|y ỻe a|elwir keỻi carnant.
Gỽedy hynny y|freinc a gyffroassant lu yn erbyn y brytanyeit a|me ̷+
dylyaỽ diffeithaỽ yr hoỻ wlat a|heb aỻu cỽplau eu medỽl
yn ynchoelut* drachefẏn y|ỻas y gan veibon jdnederth ab
kadỽgaỽn Gruffud ac juor yn|y ỻe a|elwir aber ỻech a|r kiỽ+
daỽtwyr a drigyassant yn eu tei yn diodef yn diofyn yr bot
y|kestyỻ etwa yn gyfan a|r casteỻwyr yndunt. Yn|y vlỽydẏn hono
y|kyrchaỽd uchdrẏt vab etwin a|hỽel vab gronỽ a ỻawẏr
o|benaetheu ereiỻ gẏt ac ỽynt. ac ymlad o|teulu cadỽgaỽn ap
bledẏn y gasteỻ penuro a|e yspeilaỽ o|e hoỻ annifeileit a|diffei+
thaỽ yr hoỻ wlat a|chyt a|diruaỽr anreith yd ym·choelassant
atref. Y|vlỽydyn rac ỽyneb y|diffeithaỽd gerald ystiwart yr
hỽn y gorchymynassit idaỽ ystiwerdaeth casteỻ pen·uro tre+
mygu mynyỽ. ac yna yr eilweith y|kyffroes gỽilim vrenhin
ỻoeger an·neiryf o|luoed a diruaỽr medyant a gaỻu yn er+
byn y brytanyeit. ac yna y gochelaỽd y brytanyeit eu kyn+
ỽryf ỽynt heb obeithaỽ yn·dunt eu hunan. namyn gan ossot
gobeith yn duỽ creaỽdyr pop peth drỽy ymprydyaỽ a gỽediaỽ
a rodi kardodeu a|chymryt a·garỽ benẏt ar eu kyrff kany le+
uassei y|freinc kyrchu y creigeu a|r coedyd namyn gỽibiaỽ
y gỽastadyon veyssyd yn|y diwed yn or·wac yd ymchoelassant
adref heb enill dim a|r|brytanyeit yn hyfryt digrynedic a am+
diffynassant eu gỽlat Y|ulỽydyn rac ỽyneb y|kyffroes y|fre+
inc luoed y dryded|weith yn erbyn gỽyned a deu dywyssaỽc
yn eu blaen. a|hu jarỻ amỽythic yn benaf arnunt a phe+
byỻaỽ a orugant yn erbyn ynys von. a|r brytanyeit gỽedy
kilyaỽ y|r ỻeoed kadarnaf vdunt o|e gnotaedic defaỽt
ac a gaỽssant yn eu kygor achubeit Mon a gỽahaỽd attunt
| « p 150r | p 151r » |