LlGC Llsgr. 3035 (Mostyn 116) – tudalen 138bv
Ystoria Dared
138bv
oswi a|rodi kat ar|uaes idaỽ. Ac ỽrth hynẏ treilgỽeith. pan
yttoed gatwaỻaỽn y|sulgỽyn yn ỻundein yn daly ỻys
Ac yn gỽisgaỽ coron y|teyrnas am y ben. A hoỻ tywysso+
gyon brytanyeit a|saesson ygyt ac ef eithyr oswi ael ̷+
wyn e|hun. Peanda a|deuth at y brenhin ac a ofynaỽd
idaỽ py achaỽs na doeth oswi aelwynt ỽy* y|r ỻys anat
vn tywyssaỽc o|r saesson. na ỽn heb y brenhin namyn
o achaỽs y vot yn glaf. Nyt yr hyny arglỽyd heb
y|peanda. namyn y genadeu a anuones hyt yn ger+
mania yn ol saesson y|dial oswaỻt y vraỽt arnam ni
ui a|thti Ac y·gyt a|hyny peanda a dywaỽt ry|torri oho+
na·ỽ ef e|hunan tagnefed y|teyrnas pan deholes alfrit
y vab ac odwalt yn* nei vab y vraỽt o|teyrnas northỽmbyr
Ac ỽrth hyny dyro ganhat imi o|e lad neu ynteu o|e
dehol o|r teyrnas yn|hoỻaỽl Ac ỽrth hyny gỽedy me+
dylyaỽ o|r brenhin lawer yg kylch hyny. Ef a erchis y
gyghorwẏr edrych beth a gyghorynt ỽy am hyny. Ac
val yd oedynt y·veỻy paỽb yn menegi y gygor. Maredud
vrenhin dyfet ym|plith paỽb a dywaỽt. Arglỽyd vrenhin
heb ef kanys buassei buassei aruaeth genyt|ti gỽrthlad
hoỻ genedyl y|saesson o ynys prydein. py|achaỽs weithon y|ge+
dy titheu y vudychoccau* yn tagnofedus y an plith ninheu
Ac ỽrth hẏnẏ arglỽyd kanhatta vdunt e|hunein ryfelu
yrydunt. Megys a·gatuyd y distrywer ỽynt o gyfne+
wit aeruaeu y ganthunt. kanys nyt iaỽn kadỽ fyd
ỽrth y|neb a vo bradỽr yn wastat kanys yr pan deuth+
ant y|saeson yn gyntaf y|r ynys hon. yn|wastat y|ma+
ent yn bredychu an kenedyl ni Ac ỽrth hyny kan dy+
lyy ti kadỽ dy fyd ỽrthunt hỽy kanhatta ti y peanda
ryfelu yn er·byn oswi aelwyn. Megys y|darfo o|r teruysc
| « p 138br | p 139r » |