LlGC Llsgr. Llanstephan 4 – tudalen 51r
Purdan Padrig
51r
ac offeireit. a gỽassanaethwyr y lan e ̷+
glỽys ym pob grad gỽedy gỽisgaỽ gỽis+
goed kyssegredic megys y gỽedei y baỽb
herỽyd y vrdas. vn ryỽ ffuryf amgen
a oed ar wisgoed paỽb ohonunt ac ys+
golheigyon a ỻeygyon ac y buassynt
yn gỽassanaethu duỽ yn eu hoes. Wyn+
teu a gymerassant y marchaỽc trỽy
lewenyd ac enryded maỽr ac a|gerdas+
sant y|myỽn dan ganu kywydolae+
theu a|cherdeu ny chlywssei neb eu
kyfryỽ. Gỽedy daruot y kywydol+
aetheu a|r processio y doeth deu arch+
esgob ac y kymerassant y marchaỽc
yn eu kedymdeithas y dangos idaỽ
y wlat a|e|thegỽch a|e gogonyant ac yn
gyntaf y dywedassant ỽy. Bendi+
gedic vo duỽ yr hỽnn a gadarnha+
aỽd dy vryt myỽn gỽastatrỽyd y o+
def y poeneu ny aỻei dauaỽt eu tra+
ethu. Ac ny aỻei neb ysgriuennu y
geniuer didanỽch a|weles ef yn|y wlat
y ducsant ỽy ef trỽydi y edrych ỻe+
oed tec. kyn egluret oed leuuer y wlat
a dreiglynt. ac na wydit dim y ỽrth
leuuer yr heul gan veint oed yr eglur+
der yno.
| « p 50v | p 51v » |