LlGC Llsgr. Llanstephan 4 – tudalen 33r
Buchedd Beuno
33r
ynteu a|r vnbennes yn kysgu yn|y vedỽl
kewilydyaỽ yn|ormod y vot yn mynet
y tu a|e|wlat. a|gỽreic kymoned a|honno
y·gyt ac ef ac nat oed le y gyrchu a|hi. o+
nyt bot yn reit idaỽ vynet drachefyn
y|r gỽeith ỻe buassei gynt yn|enniỻ y
vỽyt yndaỽ. Ac odyna o annoc kythre+
ul a|e gledyf a hi yn|y chỽsc ỻad y phenn
a|oruc. ac yna y|kerdaỽd ef racdaỽ tu
a|e wlat. a|r meirch da a|r|eur a|r aryant
ganthaỽ hyt att y brenhin. ac o|r da
hỽnnỽ prynu y gan y brenhin medy+
ant. a sỽyd nyt amgen bot yn|distein
idaỽ. Sef a|oruc bugelyd beuno argan+
uot y corff. ac yn ebrỽyd dyuot y ve+
negi y veuno hynny. Sef a|wnaeth
beuno yna dyuot yn|dilesc ygyt ac ỽynt
hyt y ỻe yd oed y corff. ac yn|y ỻe kymryt
y penn a|e wasgu ỽrth y corf. a syrthyaỽ
ar dal y linyeu a gỽediaỽ duỽ ual|hynn.
Arglỽyd creaỽdyr nef a|daear y gỽr nyt
oes dim anwybot idaỽ kyuot ti y corf
hỽnn yn iach. ac yn|y ỻe kyuodi a|oruc
y vorỽyn yn hoỻiach y vyny. a mene+
gi y veuno y hoỻ damchwein. Ac yna
y dywaỽt beuno ỽrthi. Dewis di heb ef.
| « p 32v | p 33v » |