LlGC Llsgr. Llanstephan 27 (Llyfr Coch Talgarth) – tudalen 35v
Ymborth yr Enaid
35v
1
a|r|gỽynuydic wyneb hỽnnỽ a|oed gyn decket a|chyn egluret ac
2
na eỻit kyffelybu neb·ryỽ greadur corfforaỽl na nefaỽl na
3
daearaỽl idaỽ. megys gỽynn·eiry ystỽyỻ. neu wynn vlodeu ros
4
neu lilis. neu auaỻvlaỽt. neu waỽn goruynyd neu ysgewyỻ.
5
neu heul ysplennyd nefaỽl. megys ỻoer en*|i*|dyd neu|seren y mor+
6
wyr. neu venuf* pan vei deckaf yn|y nefaỽl gylch. neu heul haf+
7
dyd pan vei egluraf yn|tywynnu disgleirloeỽ eglurder am
8
hanner dyd vis mehefin yn haf. ac odyna deu berffeithloeỽ
9
gochyon rudyeu troeỻeid ffuonliỽ. yn disgleiryaỽ megys
10
gỽaỽr voredyd haf. neu deu vlodeuyn o rosis coch. neu heul
11
ỽrth·ucher yn mynet yn|y hadef. ac yn|tywynnu ar vynyd
12
eur perffeithloeỽ. neu disgleirwin gloewgoch yn disgleiryaỽ
13
drỽy lestyr gỽydrin teneu. ac ueỻy yd oed gloewgoched y deu
14
rud yn perffeithyaỽ claerwynder y kyssegredic wyneb. a|e
15
glaerwynder. ynteu yn|kymysgu|tegỽch a|r|gloeỽgochyon rudy+
16
eu. ac y·gyt yn egluraỽ disgleirder ar y melynỻaes amyl·waỻt.
17
a hỽnnỽ yn goleuhau serchaỽl degỽch arnunt ỽynteu. Ac o+
18
dyna purloeỽdued yr|aeleu a|r|amranneu yn mỽyhau e ̷+
19
glurder pob un onadunt ar y gilyd. ac ỽynteu oỻ y·gyt
20
yn mỽyhau tegỽch yr hoỻ gnaỽt. a thegỽch yr hoỻ gnaỽt
21
yn gỽanegu eu tegỽch ỽynteu. Ac odyna yd oed y|r anrydedus
22
uab dỽy wefus yn kyffroi kyflaỽnserch garyat ar baỽp a
23
phaỽp arnaỽ ynteu. ac ychydic ardyrchafyat arnunt yn
24
eidunaỽ kussaneu sercholyon y gan y ffydlonyon greadur+
25
yeit. ac yn|disgleiryaỽ onadunt pan gyffroei ardyrchafyat
26
y sercholyon wefusseu megys man wrychyon a|gyvodynt
27
o savỽrdan sychyon ysgyryon pedryffhoỻt* ffynitwyd a|phob ̷ ̷
| « p 35r | p 36r » |