Rhydychen, Llsgr. Coleg yr Iesu 57 – tudalen 25
Llyfr Blegywryd
25
hynny. braỽtlyuyr yn|y|mod racdywededic.
P engỽastraỽt a|geiff y gan y distein y
gaeaf croen ych. a chroen buch yr haf.
y wneuthur kebystreu y veirch y brenhin. a
hynny kynn rannu y crỽyn. rỽng y distein
a|r sỽydogyon. ef a|geif coesseu y gỽarthec a|lad+
er yn|y gegin. ac o aryant y gỽestuaeu rann
deuwr. Hen gyfrỽyeu a hen ffrỽyneu amỽs y bre+
nhin a|geif. Pengỽastraỽt a|r gỽastrodyon a
gaffant yr ebolyon gỽyỻtyon oỻ a|del y|r bren+
hin o draean anreith. ancỽyn a|geif. nyt am+
gen. seic. Ef a|dyly ystynnu pob march a roder
y|r brenhin. ac o bop march y keif ef pedeir kei+
nyaỽc. namyn o tri. y march a|roder y|r offeir+
yat teulu. a|r march a roder y|r braỽdỽr. a|r march
a roder y|r croessannyeit kanys rỽymaỽ troet
kebystyr hỽnnỽ a|wneir ỽrth y dỽy geiỻ. ac ue+
ỻy y rodir. Ynteu a|dyly rodi gan bop march
kebystyr. Ef a|dyly y braỽdỽr y varch yn gy+
weir. Y braỽdỽr a|dyly dangos idaỽ ef y gyfreith
| « p 24 | p 26 » |