Rhydychen, Llsgr. Coleg yr Iesu 57 – tudalen 201
Llyfr Blegywryd
201
Jaỽn yỽ eredic y|r|ỻaỻ y tir a|vo ganthaỽ. O|r
deruyd amrysson rỽng deu gyfarỽr. a|r neiỻ yn
mynnu eredic ym|peỻ a|r ỻaỻ yn agos. y gyfre+
ith a dyweit na dylyant vynet namyn y|r ỻe y
gaỻo yr ychen gyrhaedu eu gỽed ac eu budelỽ
yn wann ual yn gadarn yn eu kymwt e|hun;
Y gyfreith a|dyweit na|dylyir kymynnu ychen
a|uo yn|y kyuar heb gennyat y kyuarỽr. kan+
ny dyly neb kymynnu dim namyn yr hynn
a|vedho arnaỽ. ac na med ynteu ar y|da hỽnnỽ
tra vo yn|y kyuar. Y gyfreith heuyt a|dyweit
na dylyir gỽystlaỽ ychen ac ỽynt ynghyuar
na haetauaelu*. kany dyly neb gỽystlaỽ na+
myn yr|hynn a|uo yn|y uedyant. a hỽnnỽ nyt
ydiỽ. Pỽy bynnac a|wnel kyuar. a gỽedy hyn+
ny kyuaru ac araỻ. Y gyfreith a|dyweit y|dyly
yr ychen hynny vot yn|y kyuar kyntaf. a|chyt
gỽnel ynteu cant kyuar gỽedy hynny y|dyly
ef kynnal penn yr ieu ym|pob ỻe o|r y gỽnel.
Pỽy bynnac a|wnel kyuar. ac na|del yn hyw+
ed y eredic. na|dyd na|deu y bo heb dyuot. Y
| « p 200 | p 202 » |