Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 48v
Ystoria Lucidar
48v
1
yn aruthyr eu gỽelet. Ac yn dechrynnedic ev
2
gỽeithret. Ac yna y|kymhellant yr eneit o|r
3
rac kadarnn boen y|vynet allann o|r corff
4
a|e dynnv gantunt yn greulaỽn y|byrth v+
5
ffernn. Pa beth yỽ vffernn. nev py|le y|mae.
6
Dỽy vffernn yssyd. yr vchaf. ar issaf. Yr
7
vchaf yssyd yn|y rann issaf o|r byt hỽnn.
8
Ac yn gyflaỽnn o boennev. kannys yno yd
9
amylhaa diruaỽr wres. ac oeruel maỽr. a
10
newyn. a sychet. Ac amrauael dolur corff
11
nev afulonydỽch medỽl. megys ovyn a|che+
12
ỽilyd. Ac am hỽnnỽ y|dyỽedir. Dỽc varglỽyd
13
o|r carchar vy|eneit i. Sef yỽ hynny vy|my+
14
ỽyt. Vffernn issaf. lle ysprydaỽl yỽ yn|y lle y
15
mae tan anniffodedic. Ac am hynny y|dyỽe+
16
dir. ti a|dugost vy eneit i o vffernn issaf.
17
Ac ydan y|dayar y|mae. A megys y|kledir cor+
18
fforoed pechaduryeit yn|y dayar. Velle y cle+
19
dir eneidyev y|rei drỽc yn vffernn ydan y|da+
20
yar. Megys y|dyỽedir am|y kyfuoethaỽc ef
21
a|gladỽyt yn vffernn. Ef a|darlleir bot ynn
22
vffernn naỽ poenn gỽahannredaỽl. Pa rei
23
ynt ỽy. kyntaf yỽ tan. A gỽedy yd|ennynnho
24
vn·weith ny diffodei yr bỽrỽ y|mor yn gỽbyl
25
arnaỽ. A|chymeint yỽ ragor y wres rac an
| « p 48r | p 49r » |