LlB Llsgr. Harley 958 – tudalen 56r
Llyfr Blegywryd
56r
pedeir keinhaỽc kẏfreith a|tal ẏ|r perchennaỽc.
O|r hỽẏda hagen o atlo henỻỽgẏr a|thorri ẏ croen
ar ẏ gefẏn hẏt ẏ kic. ỽẏth geinhaỽc kẏfreith a
tal. Onẏ bẏd henỻỽgẏr arnaỽ. a|thorri croen a|chic
hẏt ascỽrn. vn ar pẏmthec. kẏfreith a|tal.
O en tra dẏnho. keinhaỽc kẏfreith a|tal. pan
wahaner. dỽẏ geinhaỽc kẏfreith. Aỽst pe+
deir keinhaỽc kẏfreith a|tal. Teithi dauat
kẏmeint a|e gwerth yỽ. Teth dauat. dỽẏ gein+
hawc kẏfreith a|tal.
M ẏn tra dẏnho. keinhaỽc cotta a|tal. Pan
wahanher. dỽẏ geinhaỽc cotta. Aỽst pede+
ir keinhaỽc cotta. Teithi gauẏr kẏmeint a|e
gwerth. Gwerth ẏ|theth. dỽẏ geinhaỽc cotta.
Vn werth uẏd iỽrch a gauẏr.
P archeỻ ẏn|ẏ growẏn. keinhaỽc kẏfreith a
tal. O|r pan el aỻan hẏt pan atto dẏnu.
dỽẏ geinhaỽc kẏfreith a|tal. Pan peitto adynu
pedeir keinhaỽc kẏfreith a|tal. hẏt ỽẏl ieuan y
kẏnhaẏaf. Odẏna hẏt galan ionaỽr. dec kein+
haỽc kẏfreith a|tal. Odẏna hẏt ẏr vn ỽẏl ieuan
elchỽẏl. deu·dec keinhaỽc a|tal. Ac ẏna deuparth+
aỽc uẏd ẏr eneit ar ẏ kic. Odẏna hẏt galan io+
naỽr dec ar|hugeint a|tal. Ac ẏna deuparthaỽc
uẏd y kic ar ẏr eneit. Nẏt oes werth kẏfreith
| « p 55v | p 56v » |