LlB Llsgr. Cotton Titus D IX – tudalen 79r
Llyfr Blegywryd
79r
brenhin; punt a|tal. Y|giccỽein. deudec kein+
naỽc. Callaỽr breyr; trivgeint a|tal.
Y|giccỽein. pedeir keinnaỽc kyureith.
Callaỽr bilaein; dec ar|hugeint a|tal.
Y|giccỽein. teir keinnaỽc. LLaỽ·gallaỽr;
dec ar|hugeint a|tal. Padell hayarnn; wh+
echeinnaỽc. Taỽlbot* brenhin. wheugeint
a|tal. Taỽlbort o ascỽrnn moruil. trivge+
int a|tal. Taỽlbort o ascỽrnn arall; dec
ar|hugeint a|tal. Taỽlbort o van hyd;
pedeir ar|hugeint. Taỽlbort o van eidon.
deudec keinnaỽc a|tal. Taỽlbort o|brenn;
wyth geinnaỽc a|tal. Taradyr maỽr;
dỽy geinnnaỽc kyureith. Perued tara ̷ ̷+
dyr. keinnaỽc kyureith. Ebill|taradyr;
dimei. Nedyf. a gylif. a cheib. a chrym+
an. a chrip. a gỽelleu. a gỽdyf. a bilỽc.
a baeol helyc. a baeol gỽynn mangylch+
aỽc. a chlaỽr pobi. a|dysgyl gic. a baeol
helycbrenn. a gogyr. a chelỽrnn. a|mennei.
a|raff vleỽ. keinnaỽc kyureith a|tal ̷ ̷
pob vn o hynny. Tvrnnen. a|lletuet. a ̷ ̷
whynnglo. ffyrlling a|tal pob vn. Baeol
yỽ. a|mit. a|budei ystyllaỽt. a|budei renn.
a|noe. a|nithlen. a phadell troedaỽc.
a|ffiol lynn. onny byd eur neu ary ̷+
| « p 78v | p 79v » |