LlB Llsgr. Cotton Titus D IX – tudalen 60v
Llyfr Blegywryd
60v
a|r|gogyr. a|r|sỽch. a|r vn cryman. Y|llin. a|lli+
nat. a|r gỽlan. a|r tlysseu. a|r|badell. eithyr
eur. neu aryant. Y|rei hynny o|r bydant yn
deu|hanner y|rennir. ac velly y|gỽeeu llin a|r gỽlan yn deu hanner Y|gỽr a|geiff yr yscubaỽr
a|r|yt a|uo ar|y|dayar. ac ynn|y dayar. a|r eir
a|r cath. O|r byd ereill y|ỽreic a|e keiff. Y ỽre+
ic a|geiff y|kic yn|heli. a|heb hela. ac velly
am|y caỽs yn heli. a|heb heli. Y|gỽr bieu y
kic bỽlch a|r caỽs drychauedic oll. a|r|llestri
bỽch* o|r emenyn. a|r|baccyneu bỽlch. a|r|caỽs
bỽlch. a|r|wreic a|geiff y|blaỽt kymeint
ac a|allo y|dỽyn rỽg y|dỽylaỽ ỽrth benn y
deulin o|r gell y|r|ty. Pob vn a|geiff y|wisgoed
e|hun yn gỽbyl. eithyr y|mentyll a|rennir.
O|r gat gỽr y wreic ygky yn|aghyureithaỽl
a|dỽyn arall attaỽ. Y|wreic vrthot a|dyly
triccyaỽ yyn|y thy hyt ym|pen y|naỽuettyd
ac yna o|r gellygir hi y|ỽrth y|gỽr yn|holla+
ỽl. pob peth o|r eidi hi a|dyly mynet yn|gyn+
taf o|r ty. a|hitheu yn diỽethaf a|dyly my ̷+
net o|r ty yn ol y|holl da. ac odyna gan dỽ ̷+
yn y|llall y|r ty. ef a|dyly rodi dilystaỽt y|r
wreic gyntaf. kanny dyly vn gỽr dỽy w+
raged o gyfreith. Pỽy|bynnac a|atto y|wreic. ac a|uo
ediuar gantaỽ y|gadỽv. a|hitheu gỽedy
y|rodi y|ỽr arall. Os gordiỽed y|gỽr kynn ̷+
| « p 60r | p 61r » |