LlB Llsgr. Ychwanegol 19,709 – tudalen 33v
Brut y Brenhinoedd
33v
tywyssavc ymladeu yr amheraỽdẏr creulaỽn hỽnnỽ
a dothoed y|r ynys a ỻu maỽr gantaỽ ac o arch
a chyghor a gorchymyn yr amheraỽdyr a diuaaỽd yr
eglỽysseu. ac y ỻosget ac ỽynt ac a gahat o lyfreu yr
yscrythur lan. ac y·gyt a hynny y merthyrvyt etho+
ledigyon effeireit a christynogyon fydlavn oed vfẏd
darystygedic udunt y·dan wed mab duỽ. mal y kerdynt
yn doruoed y teyrnas nef. ac yna y damlywychvys mab
duv y drugared hyt na mynei bot kenedyl y brytany+
eit yn ỻychwin o|tywyỻvch pechodeu. Namyn goleu+
hau o·nadunt e|hunein o|egluraf lampeu gleinyon
verthyri. ac yr|aỽr·hon y|mae bedeu y|rei hynny ac eu
heskyrn ac eu creireu yn|y ỻeoed y merthyrvyt yn ̷ ̷
gvneuthur diruavr wyrtheu a didanvch y|r neb a|e+
drych arnadunt. pei na bei gvynuanus ac vylofus y gris+
tonogyon clybot ry|wneuthur o estravn genedyl pa+
ganyeit ar fydlavn gristonogyon ac eu priavt genedyl
e|hunein y kyfryv. ac ym|plith y bendigedigyon boblo+
ed merthyri o|wyr a gvraged y diodefvys seint alban.
o verolan. ac y·gyt ac ef julius ac aaron o gaer ỻion
ar vysc. ac yna y kymerth seint alban amphibalus yd
oedit. avr py avr yn|y dỽyn o|e verthyru. ac y cudyvys
yn|y ty e|hun. a gvedy na thybygei tygyeit hynny
y kymerth y|wisc y ymdanav e|hun ac yd ymrodes
y|merthyrolyaeth drostaỽ gan elywychu crist y gvr
a rodes y eneit dros y deueit. ac odyna y deu·vr ereiỻ
| « p 33r | p 34r » |