LlB Llsgr. Ychwanegol 14,912 – tudalen 68v
Meddyginiaethau
68v
Rac hỽydd a dolur glineu plastyr o rut
gỽryỽ a mel a halen a|e gỽeryt A heuyt
Rrac* brath ki kyndeirỽc y mae da y do+
di ỽrthaỽ neu yr eidral ˄y dd odỽyth ac emenyn neu
vel a hat fenigyl.
Kyvot penn sugyn yr eidral a|r gỽydỽyd
a|bỽryer yn|y froene ˄ac ef a iachaa y penn.
Rac dolur bronn mortera y greflys a hen
vlonec a dot ỽrtho.
Rac hỽydd a dolur traet ac esgeirieu
berỽ ỽreid y greỽlys vendigeit a|bwydd yr
uchaf y·meith a dot yn blastyr ỽrtho.
Rac ỻynghyr yf sugyn y plantan a
mỽyaf ar dy gyflỽng a dot heuyt
yn blastyr ar dy v˄ogyl a thranoeth yf
y vilfoil myỽn ỻaeth neu win ac y+
na y doan aỻan.
Rac y ỻyghr; berỽ sugyn y wermot
| « p 68r | p 69r » |