Breudwd Rhyddiaith Gymraeg 1300-1425
English

LlB Llsgr. Ychwanegol 14,912 – tudalen 14r

Meddyginiaethau

14r

P *Edeir teurton* ẏssẏd a heniỽ eu
boned o|r pen. Teirton uut a te  ̷ ̷+
irton grẏt brat·gẏuarfot a|thỽẏmẏn
a|r pẏmhet teirton ẏỽ gaỻtỽẏmyn. Teir+
ton vut o gyuot a ỻẏnn a ỻesseu y gỽare  ̷ ̷+
dir a ỻẏmma ẏ|boned pan|heniỽ. Magu
gỽlẏbỽr gwedẏn gormod ẏn ẏ g·ẏỻa ac
o hẏnnẏ cassau bỽẏt o·honaỽ a dinerthu
ẏr haf. y ganwreid lỽẏt a|wreid ryd
a|r orchỽyreid a|r vilfẏd a|r cỽrch a|r ca+
ỽl coch. Seith ỻẏsseu ẏssẏd ẏghẏfe+
ir pob vn o|r rei hẏnnẏ. Pedeir bolw+
yst ẏssẏd. b˄olwyst lẏn. a bolỽyst golud
a|bolwyst beỻeneu. a bolwyst wẏntbol+
wyst lẏn n eỻir  gỽaret nẏ eỻir
heuẏd gỽaret Bolwẏst wẏnt nẏt
agheu ebrỽẏd hitheu. Bolwyst golud
o gẏuot a glasgyfleith a medẏclẏn

 

The text Meddyginiaethau starts on line 1.