Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 202r

Culhwch ac Olwen

202r

816

1
a chalcas Mab Kaỽ. a Hueil mab Kaỽ. nyt
2
assỽynỽys eiryoet yn llaỽ arglỽyd. a sam+
3
son uinsych. a theleessin penn beird. a ma+
4
maỽydan Mab ỻyr. a ỻary Mab kasnar wledic.
5
Ac ysperin Mab fflergant brenhin ỻydaỽ.
6
a saranhon Mab glythwyr. a ỻaỽr eil erỽ. ac
7
annyannaỽc Mab menỽ. Mab. teir gỽaed. A
8
gỽynn Mab nỽyvre. a fflam Mab nỽyvre. a
9
gereint Mab erbin. Ac erinit Mab erbin. A dy+
10
uel Mab erbin. a gỽynn Mab ermit. a chyndrỽ+
11
yn Mab ermit. a hyueid un ỻenn. ac eidon
12
uaỽr·urydic. a reidỽn arỽy. a gormant
13
Mab ricca. braỽt y arthur o barth y uam.
14
Pennhynef kernyỽ y tat. A ỻaỽnrodet
15
uaruaỽc. a nodaỽl varyf tỽrch. a berth
16
Mab. kado. a reidỽn Mab beli. ac Jscouan
17
hael. ac Jscawin Mab panon. a moruran
18
eil|tegit. ny dodes dyn y araf yndaỽ yg
19
kat|gamlan rac y haccret. pawb a|debygynt
20
y uot yn|gythreul canhorthỽy. bleỽ oed
21
arnaỽ ual bleỽ hyd. A sande bryt agel. ny
22
dodes neb y waeỽ yndaỽ yg|kat|gamlan.
23
rac y|decket. Paỽb a|debygynt y uot yn agel
24
kanhorthỽy. a chynnỽyl sant. Y trydyd gỽr
25
a|dihengis o gat|kamlan. ef a ysgarỽys di+
26
wethaf ac arthur y ar hen·groen y uarch.
27
ac uchtryt Mab erim. ac eus Mab erim. A
28
henwas adeinaỽc Mab erim. a henbetestyr
29
Mab erim. ac Sgilti yscaỽntroet Mab erim.
30
Teir kynnedyf a|oed ar y trywyr hynny.
31
Henbedestyr ny chauas eiryoet a|e kyfrettei
32
o dyn. nac ar uarch. nac ar droet. Hen+
33
was adeinaỽc ny aỻỽys mil pedwar tro+
34
etaỽc eiryoet y ganhymdeith hyt un erỽ
35
yghwaethach a ue* beỻach no hynny.
36
Sgilti ysgaỽndroet pan uei wyn hỽyl ker+
37
det yndaỽ ỽrth neges y arglwyd. ny cheis+
38
sỽys ford eiryoet am|gỽypei pa|le yd elei.
39
namyn tra|uei y myỽn coet ar vric y coet
40
y kerdei. ac yn hyt y oes ny fflygỽys konyn
41
dan y|droet. yghwaethach torri rac y ys+
42
gaỽnet. Teithi hen. Mab. gỽynhan. a oresgyn+
43
nỽys mor y kyuoeth. ac y dihengis ynteu
44
o vreid. ac y doeth att arthur. a chynnedyf
45
a|oed ar y gyỻeỻ. yr pan deuth yma ny|thri+
46
gyaỽd carn arnei vyth. ac ỽrth hynny y

817

1
tyuaỽd heint yndaỽ. a nychtaỽt hyt tra
2
uu uyỽ. ac o hynny y bu uarỽ. a charnedyr
3
Mab. gouynyon hen. A|gỽenwynỽyn Mab. naf gysseuin
4
ryssỽr arthur. a llysgat rud emys. a gỽrbo+
5
thu hen. ewythred arthur oedynt vrodyr
6
y uam. Kuluanaỽyt Mab goryon. a llennleaỽc
7
wydel o ben tir gamon. a dyuynwal moel.
8
a dunart brenhin y gogled. Teirnon tỽryf
9
bliant. a thecuan gloff. a thegyr talgeỻaỽc.
10
Gỽrdiual mab ebrei. a morgant hael.
11
Gỽystyl mab. Run Mab nỽython. a ỻỽydeu
12
Mab nỽython. A gỽydre Mab ỻỽydeu. o wenna+
13
bỽy merch kaỽ y uam. Hueil y ewythyr
14
a|e gỽant. Ac am hynny y|bu gas rỽng
15
hueil ac arthur am yr archoỻ. Drem vab
16
dremidyt. a|welei o geỻi wic yg|kernyỽ.
17
hyt ym|penn blathaon ym|prydein. pan
18
dyrchauei y gỽydbedyn y bore gan yr he+
19
ul. ac eidyol Mab ner. a glỽydyn saer. a|w+
20
naeth ehangỽen neuad arthur. Kynyr
21
keinuaruaỽc. Kei a|dywedit y uot yn
22
vab idaỽ. ef a|dywaỽt ỽrth y wreic. o·sit
23
rann y mi o|th uab di uorỽyn oer vyth vyd
24
y gallon. ac ny byd gỽres yn|y dỽylaỽ.
25
kynnedyf araỻ arnaỽ. Os mab imi uyd
26
kyndynnyaỽc uyd. Kynnedyf araỻ a|uyd
27
arnaỽ. Pan dycko beich na maỽr na bych+
28
an uo. ny welir vyth nac rac y wyneb na
29
thra|e|geuyn. Kynnedyf araỻ heuyt a|uyd
30
arnaỽ. ny pheit neb a|dỽuyr ac a than
31
yn gystal ac ef. Kynnedyf araỻ a|uyd
32
arnaỽ. ny byd gỽassanaethỽr na|sỽydwr
33
mal ef. Hen was a hen wyneb. a hen ge+
34
dymdeith.⍏y arthur Gỽaỻgoyc un araỻ. y|dref y
35
delhei. kyt bei trychant tei yndi. o|r bei
36
eisseu dim arnaỽ. ny adei ef hun vyth ar
37
lygat dyn tra uei yndi. Berỽyn mab ge+
38
renhir. a pharis brenhin ffreinc. ac am
39
hynny y gelwir kaer baris. ac osla gyỻ+
40
eỻuaỽr. a ymdygei bronỻauyn verr ỻy+
41
dan. pan delei arthur a|e|luoed y uronn
42
ỻifdỽr y keissit ỻe kyuing ar y dỽuyr.
43
ac y dodit y gyỻeỻ yn|y gỽein ar|draỽs y
44
ỻifdỽr. digaỽn o bont uydei y lu teir y+
45
nys prydein. a|e their rac·ynys ac eu
46
hanreitheu. Gỽydaỽc Mab menestyr