Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 130r

Brut y Tywysogion

130r

565

mudaỽd y lu hyt yg|kaer ỻeon
ac yno pebyỻyaỽ a|oruc ỻaỽer
o dydyeu. yny doeth ỻogeu o
dulyn. ac o|r|dinassoed ereiỻ
o Jwerdon attaỽ. A gỽedy nat
oed digaỽn ganthaỽ hynny o
logeu. rodi rodyon a|oruc y
logwyr dulyn a|e goỻỽng dra+
chefyn. ac ynteu a|e lu a ym+
choelaỽd y loegyr. Y vlỽydyn
honno y kyrchaỽd yr arglỽyd
rys kaer aber teiui. a|e chasteỻ
ac y torres. ac y ỻosges. a|dir+
uaỽr anreith a|duc. ac achub
casteỻ kil gerran a|oruc. a
daly robert ystefyn a|e garcharu.
Y|vlỽydyn honno drỽy gennat
duỽ a|r yspryt glan a|e annoc
y|doeth koueint o vyneich y
ystrat flur. Ac yna y bu uarỽ
ỻywelyn uab owein gỽyned. Y
gỽr a ragores mod paỽb o dewred
a|doethineb. a|r doethineb o yma+
draỽd. a|r ymadraỽd o voesseu.
Y vlỽydyn rac·wyneb y doeth y
freingk o benuro a|r flemhyssy+
eit y ymlad yn gadarn. a chasteỻ
kil gerran. A gỽedy ỻad ỻawer
o|e gỽyr yd ym·choelassant adref
yn ỻaw·wac. ac eilweith yd ym+
ladassant a chilgerran yn ouer
heb gaffel y casteỻ. Y vlỽydyn
honno y|distrywyt dinas ba+
sin y gan owein gỽyned. Y vlỽ+
ydyn honno y gỽrthladỽyt Jorw+

566

erth goch uab maredud o|e
genedyl ac o|e gyuoeth ym
mochnant y gan y|deu owein.
a|r deu owein hynny a ran+
nyssant uochnant y·rygth+
unt. ac y doeth mochnant
uch raeadyr y owein keuei+
laỽc. a mochnant is raeadyr
y owein uychan. Y vlỽydyn
rac·wyneb y kyfunaỽd owe+
in a meibyon grufud uab
kynan o wyned. a Rys uab
gruffud uab rys o deheubarth
yn erbyn owein keueilaỽc.
ac y dugant y ganthaỽ gaer
einyaỽn. ac y rodassant y
owein vychan uab madaỽc
uab maredud. Odyna yd
enniỻassant daualwern. a
honno a rodet y|r arglỽyd rys.
kanys o|e gyuoeth y|dywedit
y hanuot. Ny bu hir wedy
hynny yny doeth owein ke+
ueilyaỽc a|ỻu o|r freingk ygyt
ac ef am benn kasteỻ kaer
einyaỽn. yr hỽnn a|wnathoed
y kymry kynno hynny. A
gỽedy enniỻ y casteỻ y dorri
a|wnaethant a|e losgi. a ỻad
yr hoỻ gasteỻwyr. Yn|diwed
y vlỽydyn honno y kyrchaỽd
owein a|chatwalaỽdyr tywys+
sogyon gỽyned. a|r arglỽyd
rys tywyssaỽc o deheubarth
a|e ỻuoed gyt ac ỽynt am ben