Rhydychen, Llsgr. Coleg yr Iesu 111 (Llyfr Coch Hergest) – tudalen 109v
Ystoria Carolo Magno: Rhamant Otfel
109v
454
1
amyl trỽydi a|e hoỻ arueu. A thrỽydaỽ
2
yntaỽ ynteu yny|dygỽydỽys yn varỽ y|r|ỻa+
3
ỽr. ac a|dywaỽt ỽrthaỽ. kymer hynny heb
4
ef a buassei weỻ ytti drigyaỽ ar yr ol.
5
Tec oed y|diwarnaỽt udunt. a gỽedy
6
hanner dyd pei na|darffei y|r|dỽst a|r ffylor gy+
7
uodi y vynyd a|thywyỻu y·rydunt a|r aw+
8
yr y cristonogyon a|oruuassynt. Y paganyeit ynteu a|yttoedynt yn
9
marchogaeth yn|drut. a|chanu eu kyrn
10
a|ỽnaethant. a|ffustaỽ tabyrdeu a geỽri
11
maỽr gantunt. ymrodi y|r urỽydyr o dihe+
12
ỽyt eu bryt a|gyrru y|freinc ar|ffo dra|e
13
keuyn mỽy noc ergyt seith yn ehalaeth.
14
ac na aỻỽys perchen vn daryan ohonunt
15
o|r a|oed yn hynny o|amser kystal ac e+
16
drych un weith dra|e|gefyn. Ẏna y ỻas
17
Lambert o venges. ac y|brathỽyt Roỽl
18
o belueis a dỽy dard asgeỻaỽc ual na
19
bydei vyỽ yneppeỻ. ac y|ỻas pestru|gỽi
20
o gỽstance. a chubaỽt orne. a ỻaỽer
21
gyt a|hỽy ual nat eniỻỽyt y coỻet hỽn+
22
nỽ yn|ffreinc vyth wedy hynny. Ac y+
23
na sef a|wnaeth ysgỽier o|freinc a·mi+
24
ret y enỽ gwas Jeuanc oed kyuoetha+
25
ỽc. a mab y troỽn|gyuoethaỽc o baris.
26
ac a vuassei uarỽ y dat a|gynnuỻỽys
27
gyt ac ef yny gauas cant o weisson Jeu+
28
einc. yr hynaf o·nadunt. nyt oed arnaỽ
29
namyn pymtheg|mlỽyd o oet. a chym+
30
ryt arueu y rei a|gaỽssant yn veirỽ a|e
31
wisgaỽ ymdanunt. ac o|e bliant dyrcha+
32
uel ystondardeu a|gỽelet y ffreinc yn
33
ffo yn|dibỽyỻ. a|dyuot yn eu herbyn a
34
dodi gaỽr ygyt a|e hymhoelut dra|e ke+
35
vyn. ac o|diruaỽr gedernit kymeỻ y
36
paganyeit ar ffo pedwar ergyt saeth
37
a|e bỽrỽ y|r|ỻaỽr heb y ˄hemennyd. ac yn
38
veirỽ yny vyd y maes yn|ỻaỽn o·nadunt.
39
Ac yna yr|oed Corsabret urenhin yn
40
gorffoỽys yn ymyl hen vagỽyr. Sef
41
a|ỽnaeth galỽ ar y arỽyd. ac erchi y|r
42
paganyeit dyuot attaỽ. a|dyrchauel y
43
daryan o|r tu racdaỽ. a|dyuot parth ac
44
att y ffreinc. ac o|e laỽn nerth ymga+
45
darnhau yn|y warthafleu. ac yna yd
46
oed yn|y vryt ef wneuthur ỻygrant
455
1
maỽr ar y ffreinc pan y gỽant Atmiret
2
yn|y kỽrr uchaf o|e daryan a neidyaỽ y
3
dyrnaỽt odyno yn|yr helym a|e phlygu
4
y myỽn yny wasgỽys ar y lygat. a|e do+
5
luryaỽ yn|vaỽr breid hayach nat aeth
6
aỻan. ac o dolur y|dyrnaỽt ỻibinaỽ oll
7
a gỽelet nat oed neb a|e kanhorthỽyei. ac
8
ymrodi a|ỽnaeth. Ac yna atmiret a|e
9
delis yn|gyflym. ac a|elỽis ar|tri gỽeis
10
Jeueinc attaỽ. Sef oed y rei hynny Gaỽ+
11
din. a|sachet uuan. a baldwin o egyrmỽnt
12
ac a|dywaỽt ỽrthunt. ysgỽiereit bonhe+
13
digyon heb ef. kymerỽch y brenhin hỽnn
14
ac edrychỽch na ladher ac na sothacher
15
a|dy·gỽch ef yn anrec y gennyf|i y chyar+
16
lymaen vy arglỽyd. A hỽynteu a|e hatte+
17
bassant ef. Arglỽyd heb hỽy ni a|ỽnaỽn
18
ual yd ỽyt yn|y erchi yn ỻaỽen. llyna yd
19
oedynt y freinc yn|ymwan yn|da yn|erbyn
20
y sarassinyeit o satropot o|rei a vyryessit
21
gynt y|r|ỻaỽr. Ef a|gauas cant ohonunt
22
drỽy nerth y|rei neỽyd y meirch drachefyn.
23
Ac yna huges o|nantes a|droes att pol+
24
dras pagan oed hỽnnỽ diuessured y|deỽ+
25
red. ac a|dathoed o genedyl ystryỽyat va ̷+
26
ỽr y gaỻu. a|e hoỻ gedymdeithas o|r|wlat
27
a|elỽit damasgỽn. a chyflaỽn oed hoỻ
28
uorynyon agcret o|r a|e|gwelynt o|e gary+
29
at a|e damunyant. Ef a|ỽnathoed heuyt
30
digaỽn o drỽc ar y|freinc y|dyd hỽnnỽ. Ac
31
eissoes ef aeth amdanaỽ ynteu gỽynuan
32
digaỽn y meint y nos honno y|r dinas.
33
Huges a|e treỽis a|chedyf* ar warthaf y
34
helym. ac a|hoỻdes yr hoỻ aruev a|e gorff
35
ynteu hyt y balueissei* trỽydaỽ. Ac yna
36
y dygỽydỽys ynteu yn|varỽ y|r|ỻaỽr. ac y
37
paỻỽys idaỽ y hoỻ ryvic a|e|dayoni. a hu+
38
ges a|elỽis ar ỽaslo y arỽyd. ac a|ymchoe+
39
les y brytanyeit dra|e|kefyn. O duỽ na
40
bu otuel yna gyt ac ef. kanys pei|buassei
41
ef. ef a|gyrchassei ystondard gỽyr baban
42
ac a|daruydei yr|ymlad yn|y gyueir honno
43
ar|y|maes ar hynny. Ny|chaei ef hagen
44
vot ỽrth y vod ymplith gỽyr tỽrc. a my+
45
net o·honaỽ hyt at eu|hystondard teir
46
gweith. a|daruot idaỽ lad penneu pedỽar
47
[ brenhin yn|y cheissaỽ.
| « p 109r | p 110r » |