Rhydychen, Llsgr. Coleg yr Iesu 57 – tudalen 52
Llyfr Blegywryd
52
y|r neb a losco ac ef. Naỽuet yỽ. edrych ar y
ỻosc gan y odef. Pỽy|bynnac a|watto vn o|r
affeitheu hynn rodet lỽ dengwyr a|deugeint.
Y neb a|ladho tan neu a|e chỽytho yny enyn+
ho. neu a rodho tan y|r neb a|losco ac ef. han+
ner y coỻet a|wnel y tan a dal. a|r hanner a+
raỻ a|disgyn ar|y neb a|dotto y tan y myỽn
yr hynn a|losger. a hỽnnỽ yỽ kỽbyl weithret
ỻosc. ac ony byd neb araỻ yn affeithaỽl ygyt
ac ef talet e|hun oỻ y coỻet a|del o|r ỻosc hỽn+
nỽ ony|dichaỽn ymdiheuraỽ trỽy reith y wlat
K yntaf yỽ o naỽ affeith ỻedrat. amkanu
ỽrth gedymdeith yr|hynn a geissyer
yn|ỻedrat. Eil yỽ duunaỽ am y ỻedrat. Try+
dyd yỽ rodi kynghor y ledratta. Pedweryd yỽ.
mynet yng|kedymdeithas y ỻeidyr pan|el y
ledratta. Pymhet mynet y|r dref gyt a|r|ỻeidyr
a dorro y ty neu y buarth. Chỽechet yỽ erbyn+
nyaỽ yr hynn a dycker yn ỻedrat. Seithuet
yỽ. kerdet dyd neu nos gyt a|r ỻeidyr. Wythuet
| « p 51 | p 53 » |