LlGC Llsgr. Peniarth 31 – tudalen 12r
Llyfr Blegywryd
12r
1
a uyd yn|y neuad gyfarỽyneb ar brenhin o vyỽn
2
y golofyn ar kynydyon y gyt ac ef. Corneit o lyn
3
a geiff y gan y brenhin. Ac arall y gan y vrenhines.
4
Ar trydyd y gan y distein. neu y penteulu. Seic a
5
chorneit o lyn yn|y ancỽyn a geiff yn|y lety. Ac
6
ef a geiff trayan dirỽyon a chamlyryeu ac ebe+
7
diweu a gobreu merchet y kynydyon. Gyt ar
8
brenhin y bydant y kynydyon o|r nadolyc hyt
9
pan dechreuhont hely ewiged y guanhỽyn. Ac
10
yna tra helyont y caffant gylch ar vilayneit y
11
brenhin. Ac y velly yn hytref tra helyont y kei+
12
rỽ. O|r pan dechreuhont hely hyt naỽuet·dyd mei;
13
nyt atteb y neb a|e holo. onyt vn o|r sỽydocyon uyd.
14
Yr hebogydyon. ar guastrotyon. ar kynydyon
15
kylch a gaffant ar vilaeneit y brenhin. A hynny
16
ar wahan. Yr hebogyd vn weith tra geisso hebogeu
17
a llamystenot. kylch a geiff. Gobor y verch yỽ punt.
18
y chowyll; teir punt. Y hegwedi. seith punt. Ebe+
19
diỽ pen kynyd; whevgeint a phunt.
20
Gỽas ystauell nyt oes le dilis idaỽ yn|y neu+
21
ad. kanys ef bieu cadỽ guely y brenhin.
22
A gỽneuthur y negesseu rỽng y neuad ar ystaf+
23
uell. Y tir a geiff yn ryd; a|e varch y gan y bren+
24
hin. A ran o aryant y guestuaeu. Ef bieu gỽne+
| « p 11v | p 12v » |