LlGC Llsgr. Peniarth 190 – tudalen 116
Ystoria Lucidar
116
ac ỽynt a|damunant angheu. ac angheu a ffy
y ỽrthunt. discipulus Pa|delỽ y gossodir ỽynt yno. Magister
A|e penneu y waeret a|hynny a geuyneu ar
eu traet y|uyny. a phoeneu o bop parth udunt
ac yn eu kylch. discipulus Och eni dyn eiryoet gan y
boeni ueỻy. Magister Beth a wyly di. neu beth a
lyngky o|th dagreu. diaỽl e|hun a|e aelodeu a
odefant hynny. discipulus Pa rei ynt y aelodeu ef.
Magister|Y rei balch a|r rei kynghoruynnus. a|r tỽyỻ ̷+
wyr. a|r rei anghywir. a|r rei glỽth. a|r medweint
a|r godyon. a|r rei a|lado kalaned. a|r rei creu+
laỽn. a|r rei ffyrnic. a|r herwyr. a|r ỻadron. a|r|rei
budyr. a|r kebydyon. a|r rei a dorro eu priodas+
seu. a|r rei geuaỽc. a|r rei annudonaỽl. a|r gỽat+
twarwyr. a|r goganwyr. a|r annuunyeit. a|r ka+
entachwyr. O|r gordiwedir ỽynt yn|y pyngkeu
hynny ỽynt a|ant y|r poeneu a|dywetpỽyt uch+
ot heb ymchoelut vyth dracheuyn. discipulus Och a
wyl y rei gỽirion ỽynteu yno. Magister|Y rei gỽirion
a|welant y rei drỽc yn|y poeneu megys y bo
mỽy eu ỻewenyd am eu|diangk. Y rei drỽc
kynn dydbraỽt a|welant y rei da yn|y gogo+
| « p 115 | p 117 » |