LlGC Llsgr. Peniarth 11 – tudalen 124v
Ystoriau Saint Greal
124v
1
yỽ gennyf y uot wedy ry|dyuot y ewyỻys da. Kanys keneuin
2
oed ef a|gỽneuthur da. Arglỽyd heb yr|vnbennes pa|le y|mae
3
y|th vryt titheu vynet. Mi a|vynnỽn vy mot yng|gỽlat bren+
4
hin peleur os da gan|duỽ. arglỽyd heb hi. dywet ym dy henỽ.
5
ac aro ychydic y ymdidan a mi. Yna attal penn y varch a|oruc
6
ef. arglwydes heb ef. ef a|m|gelwir i gỽalchmei. nei y|r|amhera+
7
ỽdyr arthur. Ae gỽalchmei ỽyt ti heb hi. Je heb ynteu. Myn vyng
8
cret heb hi vot vyng|caỻon yn|y venegi. panyỽ dy gyfryỽ ỽr di
9
a|dylyei vynet parth a ỻys brenhin peleur. ac am hynny ar+
10
glỽyd yd ỽyf|inneu y|th wediaỽ di ar|ymchoelut o·honat y·gyt
11
a|ni yr y grym a|r nerth a|rodes duỽ ytt yn|kanhebrỽng yny
12
elom heb gasteỻ. yr hỽnn yssyd yn|y fforest honn. ac ychydic
13
o berigyl yndaỽ. A vnbennes heb·y gỽalchmei mi a|wnaf hyn+
14
ny yn|ỻawen. ymchoelut a|wnaet* ef ygyt ac ỽynt drỽy y ffo+
15
rest yr|honn nyt oed yndi haeach o sathyr dynyon. Yna yr
16
vnbennes a|datkanaỽd y walchmei y hynt am y penneu
17
a|oedynt yn|y gadeir. ac am y ki a|r|daryan a|adewssynt yn
18
ỻys arthur. Yna gỽalchmei a vu drỽc ganthaỽ welet yr vn+
19
bennes yn|kerdet. ac a ovynnaỽd paham nat aei y|r gadeir. Ar+
20
glỽyd heb·yr vn o|r ỻeiỻ reit yỽ idi gerdet. kanys hynny yỽ|y
21
phenyt. ac ot ỽyt ti gystal milỽr ac y dywedir. ef a deruyd idi
22
hi wneuthur y phenyt yn ehegyr. Pa|delỽ vyd hynny heb·y
23
gỽalchmei. Mi a|e dywedaf ytt heb yr vnbennes. Os duỽ a
24
damweina ytti vynet y lys brenhin peleur. ac ymdangos o
25
seint greal ytt. govyn beth a|arwydockaa. ac yna y|deruyd
26
idi y phenyt. a Minneu a|gaffaf vyng|gỽaỻt. ac ony wney
| « p 124r | p 125r » |