Rhydychen, Llsgr. Coleg yr Iesu 57 – tudalen 204
Llyfr Blegywryd
204
1
yna. o wyl Jeuan hyt y kalan. talu y kic a|r cro ̷+
2
en yn|ỻe y deuparth. a|r traean ar yr eneit. ka ̷+
3
nys yna y mae amser tachwed. O|r kalan hyt
4
wyl Ieuan elchỽyl. y deuparth ar yr eneit a|r
5
traean ar y kic. kanys purya vyd pob aniueil
6
yn|yr amser hỽnnỽ. O|r deruyd y|r dyn ry vriỽas+
7
sei yr aniueil. gỽrthot yr aniueil marỽ. gỽnaet
8
y perchennaỽc y ewyỻys o·honaỽ. ac ygyt a
9
hynny cỽbyl o|e gyfreith a|geiff. ~ ~ ~
10
K yfreith benffic yỽ. y dyuot mal y|roder.
11
heb haỽl. ˄heb arhaỽl arnaỽ. a|e hebrỽng hyt
12
y ỻe y kaffer. Pỽy bynnac a|locko aniueil y
13
dỽyn ỻỽyth. neu y eredic ac ef. ony wneir ang ̷+
14
hyfreith ac ef. kyt coỻo y eneit. ny thelir dim
15
amdanaỽ. o|r gỽneir aghyfreith ac ynteu ual y
16
del ae anaf. ae adoet arnaỽ. ef a|dylyir y|dalu.
17
O deruyd y|dyn ỻad ki dyn araỻ. a|r dyn bi+
18
eiffo y|kj yn dywedut y vot yn vugeilgi.
19
a|r|ỻaỻ yn|dywedut nat ytoed. reit vyd y|r neb
20
bieiffo y|ki bot idaỽ gymodaỽc uch ỻaỽ ac araỻ is
21
ỻaỽ. y tynghu y vot yn vugeilgi. Yr eil yỽ y|dylyir tys+
| « p 203 | p 205 » |