Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 35r
Ystoria Lucidar
35r
1
O gwennỽynir pastei. ef a uyd gỽennwynaỽl.
2
y bara. A|phop peth o|r a|del o·honei. Velle y|bu
3
adaf yn bellen lygredic. A phaỽp o|r a|anet o+
4
honaỽ. A lygrỽyt o|bechaỽt pei na wnelit
5
yn vyỽ drỽy vedyd yn anghev y|prynnyaỽdyr.
6
A megys y|glenheir y|ryeni drostỽnn e|hunein
7
yn|y bedyd. Velle y|mae reit atnewydu y|plant
8
drostun e|hunein yn|y dedyf drỽy anghev krist
9
megys y dyỽedir. paỽb a|wnneir yn vyỽ yg
10
krist. Paham na at duỽ y|rei dyuot yr byt
11
y gaffel bedyd. nev paham gỽedy y ganer y
12
dỽc duỽ o|r byt kynn ev bedydyaỽ. Brodyev
13
duỽ dirgeledic. o achos yr etholedigyonn ha+
14
gen yỽ hynny. o|welet y|rei hynny ym|poenev
15
hep y haydu. Ac wyntev yggogonnyant hep
16
y|haydu heuyt yna y|byd mỽy eu diogelỽch
17
yn duỽ. am eu diang o|e rat ef o|r poenev a o+
18
brynnynt. Pa boen a|uyd ar y|rei bychein. Ty+
19
wyllỽch e|hun. A|argyỽeda dim y|rei bychein
20
o|e geni o|gam welyeu. megys o buteinrỽyd.
21
nev o garessev. neu o|dynyon kreuyd. Nac ar+
22
gyỽedha. dim. O chant vedyd. mỽy noc yr
23
gỽenith a|dygit yn lledrat a|e heu o lei+
24
dyr. A argyỽedha pechodeu y|ryeni yr
25
meibon. nev pechodev y meibon yr ryeni.
| « p 34v | p 35v » |