LlGC Llsgr. Peniarth 32 (Y Llyfr Teg) – tudalen 255
Brut y Saeson
255
1
predein. Ac Edmund. a christyn vanaches. Ac o|r|diued
2
kytuot a vu yrỽg Edmỽnd a|chanton a rannu ỻoeger
3
yrydunt dan amot pỽy|bynac a vei varỽ gyntaf onadunt
4
kymryt o|r ỻaỻ yr hoỻ deyrnas. Ac ympen y mis
5
ỽedy hynny y bu varỽ Edmỽnd yn rytychen o dỽyỻ
6
Edric Jarỻ henford drỽy ỽeithret. y ỽab ef. Ac y|cladỽyt
7
yn glastynberi. [ Gwedy hỽnnỽ y gỽledychaỽd Can+
8
twn brenhin denmark a ỻoeger a ỻychlyn a hỽnnỽ
9
a briodes. Em gỽreic Ethyldryt vuassei honno. Ac
10
o·honei y cauas hardecnỽt a haraỻt Harfford o orderch
11
hỽnnỽ a ỽledychaỽd vgein mlyned a hanner ac y|ghaer
12
ỽynt y cladỽyt. yr|hardecnỽt hỽnỽ a diffeithaỽd
13
paỽb o|r a gytsynaỽd ac Edrit Jarỻ am agheỽ Ed+
14
mỽnd ystlys haearn. A rỽymaỽ Edric draet a dỽylaỽ
15
a|e|vỽrỽ yn hymys. A hỽnỽ a ỽledychaỽd dỽy ỽlyned
16
Ac yn lameth y bu varỽ. [ Pymtheg mlyned a
17
thrugeint a mil oed oeet crist pan ỽlydychaỽd har+
18
ford hỽnnỽ a deholes Em y lysuam. Ac aluryt ac
19
Edwart y meibyon o|r ynys. A phedeir blyned a
20
phedy·var|mis y gỽledychaỽd. [ Wyth|mlyneth
21
a deugeint. a. Mil. oed. oet. crist pan vledychaỽd hardcnỽd
22
hỽnnỽ a vu haelaf o|r gỽyr a goreu kynha·laỽdyr
23
ỻys. [ A gỽedy y varỽ. yd anuones y saesson yn
24
ol aluryt y mab hynaf y Edyldryt hyt yn Normadi
25
y|ỽ rydhaỽ y gan wyr denmark. Ac ynteu a|deuth
26
a ỻaỽer o|e|genedyl o|r Normanneit gantaỽ y loeger
| « p 254 | p 256 » |