LlGC Llsgr. Peniarth 190 – tudalen 55
Ystoria Lucidar
55
chymynneu. Sef yỽ y|drỽc na chaffer da. sef
yỽ hynny ỻewenyd. a theilỽng yỽ kyvyr+
goỻi y neb ny rodo duỽ lewenyd udunt.
Sef ynt y rei hynny y neb ny wnel yr hynn
a|orchymynner udunt. discipulus Pỽy ynteu yssyd
aỽdur y bechaỽt. Magister Y dyn e|hun. a diaỽl yn
annogỽr arnaỽ. discipulus Ae gorthrỽm pechaỽt. Magister
Pechaỽt dan wybot y vot yn bechaỽt ys
trymach no|r hoỻ vyt. a pha|beth bynnac o
drỽc neu o bechaỽt a|wneler. ef a drossir o
gỽbyl ar volyant y duỽ. discipulus Ponyt drỽc ỻad
kelein neu odineb. Magister Da yỽ ỻad kelein
lawer gỽeith. megys y bu da lad o dauyd
y kaỽr. neu lad o Judith oloffernes. discipulus Pa+
ham y|mae drỽc ynteu pan ladher. Magister|O
dryc·anyan y mae drỽc. Priodas gyfyaỽn
da yỽ. godineb hagen yn erbyn kanyat* drỽc
yỽ. ac am eu|dial drỽy gyfyaỽnder y
trossir ỽynt ar volyant y duỽ. ac megys
y molir arglỽyd a|dalo eu ỻauur y|ỽ varcho+
gyon. mỽy y molir o|diua yr herwyr a|r ỻadron.
| « p 54 | p 56 » |