LlGC Llsgr. Peniarth 190 – tudalen 199
Ymborth yr Enaid
199
nefaỽluab hỽnnỽ. a|e arderchaỽc·lun ỻym+
ma yỽ hyt y gaỻaỽd ef hynny o|e gynnal.
Y Mab. mab melyn·wynn adueindỽf
oed val yn oet deudengmlỽyd. ac yn
gymhedraỽl y dỽf a|dyat y gorff o hyt a
phraffder ỽrth y oet. Penn gogyngrỽnn
gỽedeid idaỽ. a gỽaỻt penngrychlathyr pe+
vyrloeỽ eureit uelynỻiỽ arnaỽ. yn vn ffu+
ryf a phei geỻit ỻunyaỽ neu vedylyaỽ
dỽy ysgubeỻ o van adaued neu o van gas+
not o eur tri·naỽ·taỽd. a hynny megys ar
vỽy no rychwant o bop tu y|r deu wyneb
glaerwynyon. a thoryat pedaỽlffuryf ar
y gỽaỻt ar y|dal. Ac yn gyfuch ac y gỽe+
lit ỻawer o|r clusteu torryat y gỽaỻt ar
ystlysseu y benn. ac ar y gỽegil yn arwe+
in ardyrchafyat krocket wedeidlỽys. A|r
gỽaỻt oỻ yn benngrychlathyr hyt ar yr iat.
Ac yno yn benỻyuynlỽys gribedicloeỽ
ỽrth gymhỽyssaỽ yr eur goron arnaỽ
a|gỽyndal gỽastatlyvyn ehanglathyt*
| « p 198 | p 200 » |