Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 100r
Buchedd Dewi
100r
1
ketymeithonn hynny. eissoes heb ef yr hỽnn a|erch+
2
ỽch ymi ny|s gallaf|i. Miui heb ef a|gerdaf ygyt
3
a chỽi hyt y|sened. A|chỽitheu gỽediỽch y|tat pennaf
4
yny rodho ef gannhorthỽy yni druein. a|mynhev
5
ach gỽediaf chỽitheu vrodyr yny gymeroch chỽi+
6
theu bỽyt a|diaỽt o|r alussen ar gardaỽt a|rodet
7
yni o|r|nef. A gỽedy hynny kyuot a oruc deỽi ygyt
8
ar kennadeu y sened vreui. A chynn y|dyuot yr
9
gynnulleitua honno. nachaf y|gỽelyynt yn|dyf+
10
ot yn|y herbyn gỽreic ỽedỽ gỽedy marỽ y|hun mab.
11
Ar ỽreic yn gỽeidi ac yn disgyryaỽ. A|phann ỽe+
12
las deỽi y|ỽreic yn|y dryyruerth hỽnnỽ. kysseuyll
13
a oruc a gollỽng y kennadeu o|r|blaen. Sef a oruc
14
y ỽreic druan a|glyỽssei glot deỽi. syrthaỽ ar dal y
15
deu·lin a|menegi idaỽ bot y|hun mab yn varỽ. Sef
16
a|ỽnaeth deỽi yna trugarhav ỽrthi. A|throssi ygyt
17
a|hi yr lle yr oed y|mab yn varỽ yn emyl auon a|el+
18
ỽit teiui. A|dyuot yr|ty y|lle yr oed gorff y|mab.
19
A|syrthyaỽ a|oruc deỽi ar|y corff. A|dodi y|eneu vrth
20
eneu y|mab. a gỽediaỽ yr arglỽyd a|dyỽedut. vy
21
arglỽyd duỽ i. ti a|disgynneist o arffet y|tat o|nef.
22
yr byt hỽnn on hachaỽs ni bechaduryeit y an pry+
23
nu ni o sauan yr hen elyn. trugarhaa arglỽyd
24
vrth y ỽreic ỽedỽ honn yman. A|dyro yn y|hun mab
25
yn|y eneit dracheuen val y|maỽrhaer dy enỽ di yn|yr
| « p 99v | p 100v » |